Abany'ishengyero nibenda embaririra ya URA eyongyerweho.

N'ebya Levi Muhaburane

Akakiiko ka Paramenti ak'eby'esente nikenda embaririra y'ekitongore ky'omushoro ekya Uganda Revenue Authority- URA eyongyerweho kwenda ngu kibaase kukoragye emirimo yakyo ahansharo za Uganda.

Abany'ishengyero b'aha kakiiko aka bagambire ebi obu babaire nibarambura omurimo ogurikukorwa ekitongore kya URA aha nsharo eya Mirama Hills omuri Ntungamo n'eya Katuna omuri Kabale.

Omuny'ishengyero wa Rwampara, Amos Kankunda kandi ceeyamaani w'akakiiko aka, nakyoreka ngu embaririra ya URA eshemeriire kwongyerwaho kubaasa kumaraho ebizibu ezi ekitongore kirikubugana omu kurundaana omushoro.

#WestUpdates