Twewale ebivaako entalo-Sekamanya

Yagambye nti bulijjo bwe watabaawo bwenkanya kye kimu ku bivaako obutabanguko mu nsi kyokka ng’ebintu ebyo bye muyita ebitono olumu bibeera bya maanyi ebisaanye okwewalwa nga bukyali.

Omubala gw'essaza ogw'o-mwaka  gwabadde gugamba nti ' talanta gy'olina ogikozesezza otya okugasa abalala ' nga muno mwabaddemu am-aka okubeera awamu, okunnyikiza Kristu mu maka,  okuzaala n'okukuza abaana ku musingi omulungi.             

Omukolo gw’okujaguza gwabaddewo ku Ssande ku Lutikko y'essaza e Lugazi.

Yagambye nti wakyaliwo obwetaavu bungi omuli okusomesa abaana   ku musingi gwa Eklezia n'agamba nti wadde Eklezia erina amasomero mangi ate agakola obulungi,  waliwo abamu abatafuddeeyo kutwalayo baana  basobole okufuna omusingi omulungi
Yannyonnyodde nti wadde  seminaaliyo y’e Nyenga weeri abaana abagendayo bakyali batono naddala abava mu ssaza ly'e Lugazi.

Yennyamidde ku busambattuko mu maka n’agamba nti  bukyali bungi nga buno buvaako amaka okusasika abaana ne bakula nga tewali abalung’amya. 

Omukolo gwetabiddwaako ababaka ba palamenti abalonde okuli JC Muyingo  owa Baamunaanika, Betty Nambooze wa  Mukono Munisipaali, Baker Ssali owa Buikwe West n’abalala.