Museveni ashabire ba invesita kuruga UAE kureeta bizinesi omu Uganda.

NewVision Reporter
Journalist @NewVision
Oct 12, 2023

N’ebya Beth Akatukunda

KAMPALA

Purezidenti Yoweri Museveni ashabire ba invesita kuruga omu mahanga g'aheeru okwija bakata esente zaabo omu Uganda arikugira ngu Uganda eine emigisha nyingi y'eby'obushuubuzi kandi akatare k’ebintu kariho.

Purezidenti agambire ebi nyomwebazyo ebiro 11/10/2023, obu abaire nayiguraho omushomo gw'eby'obushuubuzi ogwa Uganda na United Arab Emirates oguriyo nigugyenda omu maisho ahari Speke Resort Munyonyo.

Bamwe omu bahikire aha mushomo gw'eby'obushuubuzi ogwa Uganda na UAE ahari Speke Resort Munyonyo ahabiro 11/10/2023.

Bamwe omu bahikire aha mushomo gw'eby'obushuubuzi ogwa Uganda na UAE ahari Speke Resort Munyonyo ahabiro 11/10/2023.

Purezidenti Museveni ashoboriire ngu Uganda eine akatare kahango k'abanya-Uganda barikuhika miriyooni 46 hamwe na miriyooni 300 omu mahanga aga East Africa oteireho na biriyooni 1.5 b'abeiraguju abu amahanga ga Africa garikukoreraho ahansi y'enteebekanisa eya Continental Free Trade Area.

Purezidenti Museveni arikwiguraho omushomo gw'eby'obushuubuzi ogwa Uganda na UAE ahari Speke Resort Munyonyo.

Purezidenti Museveni arikwiguraho omushomo gw'eby'obushuubuzi ogwa Uganda na UAE ahari Speke Resort Munyonyo.

Purezidenti ayongiire yahamiza ba invesita ngu oihireho Uganda, obutare bwa East Africa na Africa, Uganda ebaasize kuhajana na America ahansi y'ekiragiro ekya African Growth and Opportunity Act ahi erikuguza ebintu omu eihanga erya America.

Aha rubaju orundi, Purezidenti Museveni agambire ba Invesita ngu eihanga niryija kutandika kushohoza emotoka ezirikukoresibwa amashanyarazi ezaatandikire kukorwaho.

Bamwe omuri ba invesita kuruga UAE abetabire omu mushomo gw'eby'obushuubuzi ogwa Uganda na UAE ahari Speke Resort Munyonyo, Kampala.

Bamwe omuri ba invesita kuruga UAE abetabire omu mushomo gw'eby'obushuubuzi ogwa Uganda na UAE ahari Speke Resort Munyonyo, Kampala.

Museveni nabwo arabwire abanya-Uganda na munonga abanya-biragiro okwerinda okuremesa amaani ga gavumenti n'okusisira ba invesita obwire arikushoborora ngu ba invesita ni bakuru munonga omu by'entaasya y'eihanga. 

Aha rubaju rwe, Minisita w'eihanga ow'eby'amakorero, Evelyne Anite asiimire Purezidenti ahabw'obwebembezi bwe burungi n'okureebera hare ebihweriire Uganda kugaruzaho eby'entaasya ebyabaire byahwireho NRM etakaizire omu bwebembezi omu mwaka gwa 1986.

Purezidenti Yoweri Museveni, Minisita w'eihanga ow'eby'amakorero, Evelyne Anite (Pink) n'abandi ba invesita kuruga UAE barikuteeza ekishushani bwanyima y'okuruga omu mworeko gw'eby'obushuubuzi ogwa Uganda na UAE ahari Speke Resort Munyonyo.

Purezidenti Yoweri Museveni, Minisita w'eihanga ow'eby'amakorero, Evelyne Anite (Pink) n'abandi ba invesita kuruga UAE barikuteeza ekishushani bwanyima y'okuruga omu mworeko gw'eby'obushuubuzi ogwa Uganda na UAE ahari Speke Resort Munyonyo.

Minisita Anite nabwo asiimire Purezidenti Museveni ahabw'okuhamya omukago gwa Uganda na United Arab Emirates omu by'emishuuburo n'entaasya.

#WestUpdates

Related Articles

No Comment


(adsbygoogle = window.adsbygoogle || []).push({});