TOP

Aba UPDF 4 battiddwa e Somalia

Added 30th August 2010

Abatujju bano, abaakuba bbomu ezatta abantu abasoba mu 80 mu Kampala, bategeezezza nti kino bakikoze okutuukiriza kye baasuubizza ku Lwomukaaga eky’okukolawo akatiisa ku Mmande nga bajjukira olunaku olw’e 19 mu kisiibo, Nabbi Mohammad lwe yawambirako ekibuga Mekka.

Omwogezi w’amagye amakuum

Abatujju bano, abaakuba bbomu ezatta abantu abasoba mu 80 mu Kampala, bategeezezza nti kino bakikoze okutuukiriza kye baasuubizza ku Lwomukaaga eky’okukolawo akatiisa ku Mmande nga bajjukira olunaku olw’e 19 mu kisiibo, Nabbi Mohammad lwe yawambirako ekibuga Mekka.

Omwogezi w’amagye amakuumaddembe e Somalia, Maj. Ba-Hoku Barigye yategeezezza bannamawulire eggulo nti abajaasi ba UPDF  battiddwa baabadde  bakuuma amaka ga Pulezidenti Sherif Ahmed agayitibwa Villa Somalia.

Yannyonnyodde nti abajaasi ba Uganda abattiddwa n’abaalumiziddwa baakubiddwa ekikompola ekyakasukiddwa abatujju  abamaze wiiki nnamba nga balumba amagye ga gavumenti n’aga AMISOM agakuuma eddembe. Abantu baabulijjo 100 be baakwattibwa ate abalala 200 ne balumizibwa n’abalala bangi bali mu kubungeeta oluvannyuma lw’okudduka mu maka gaabwe.

Emirambo gituuka LEERO

Omwogezi w’amagye ga UPDF, Lt. Col. Felix Kulayigye yakakasizza okuttibwa kw’abajaasi baffe n’agamba nti emirambo gy’abattiddwa gisuubirwa okukomezebwawo ku butaka olwaleero.   

Ng’enkola y’amagye bw’eri yagaanyi okwatuukiriza amannya gaabwe okutuuka ng’ab’eng’anda zaabwe bamaze okubabikira.

Kulayigye yagasseeko nti abajaasi omunaana abaalumiziddwa tebali mu mbeera mbi nnyo era bakyajjanjabirwa mu ddwaaliro e Mogadishu.

Okumala wiiki, amagye amakuumaddembe gabadde gattunka ne bannalukalala ababadde bagezaako okuwamba amaka ga Pulezidenti nga ku Lwokubiri oluwedde baatega bbomu eyatta abantu 33 okwali ababaka ba Palamenti ya Somalia 11 n’abajaasi bataano.

Ku  Lwomukaaga baawambye oluguudo oluva ku kisaawe ky’ennyonyi okutuuka ku maka ga Pulezidenti  era nga wano we basinzidde okuganyugunyaamu ekikompola.

Enkambi za al Shabaab zaawambiddwa

Eggulo amagye ga Gavumenti ya Somalia gaalangiridde nti gawambye enkambi bbiri okuva ku bannalukalala ba al Shabaab, mu lutalo olw’amaanyi olwabadde mu kitundu ky’e Hodan mu kibuga Mogadishu.

Wabula bannalukalala olwabiwulidde ne batwala bannamawulire mu nkambi ezoogerwako ne babalaga emirambo gy’abamu ku bajaasi ba gavumenti be basse mu kulwanagana okwafiiriddemu abantu basatu n’okulumya abakunukkiriza mu kkumi.  

Omulambo gw’omujaasi ono baagusiibyeko emigwa ne bagukulula mu luguudo okufaanana amagye ga Gavumenti kye gaakoze wiiki ewedde bwe gaasibye omulambo gw’owa al Shabaab gwe gasse ne bagusiba ku loole ne bagukulula mu luguudo.

Col. Abdullahi Hassan Barise omwogezi wa poliisi ya Somalia yategeezezza eggulo nti amagye ga Gavumenti gaawambye enkambi y’e Sigale mu Disitulikiti y’e Hodan erudde ng’eri mu mikono gya bannalukalala ne gagattako n’okweddiza enkambi eri wakati wa Dabka ne Bakara ebadde yatwaliddwa aba al Shabaab nga bagiggya ku kibiina kya Ahlu Sunna Walajam ekikolagana ennyo n’eggye lya AMISOM erikuuma emirembe mu kaweefube w’okulwanyisa obutuju. Wabula bino bannalukalala babisambazze ne bamuyita pokopoko wa Gavumenti.

Omukutu gw’amawulire e Somalia ogwa Alshahid gwategeezezza nti we bwazibidde ng’amasasi, bbomu n’ebikompola bikyesooza naddala mu katundu k’e Howlwadag n’e Dabka abaserikale ba Gavumenti ya Somalia we baagala okuwamba enkambi aba al Shabaab mwe basinziira okukola ennumba mu kitundu ky’e Bondhere amagye ga UPDF we gaasimba amakanda.

Ethiopia eyongeddeyo amagye:
Gavumenti ya Ethiopia nayo eyongedde okuyiwa abajaasi e Somalia okwa-ng’anga bannalukalala ba al Shabaab ne Hizbul.

Kino kiddiridde omuku-lembeze wa Ethiopia Meles Zenawi okusuubiza okuyiwayo amagye singa aba AMISOM omuli amagye ga Uganda ne Burundi bamulaajanira nti balumbiddwa.

Okusinziira ku mawu-lire agaavuddeyo, biroole ebijjudde abajaasi ba Ethiopia byasanze ensalo ne biyingira Somalia,eggulo  bayingidde kkiromita 335 munda mu Somalia.

Aba UPDF 4 battiddwa e Somalia

More From The Author

Emboozi z’omuwandiisi endala

Emboozi endala

Kangaawo ng'ayogera e Butuntumula.

Kangaawo akunze Abalemeezi ...

OMWAMI wa Ssaabasajja Kabaka atwala essaza ly' e Bulemeezi, Kangaawo Ronald Mulondo agugumbudde bassemaka  abaganza...

Pulezidenti wa DP Norbert Mao ne Ismail Kirya mu lukiiko ne bannamawulire.

Aba DP basabye Gavt. okuliy...

BANNAKIBIINA kya DP basabye Gavumenti okuliyirira abantu bonna abagenda okufiirwa ettaka awagenda okuyita payipu...

Dayirekita Wambuga (ali mu kkooti) ng' agezaako okunnyonnyola abasomesa abamutabukidde.

Abasomesa batabukidde dayir...

Emirimu gisannyaladde ku ssomero lya Good Luck Junior School e Katalemwa mu ggombolola y'e Gombe mu disitulikiti...

Omukazi nga bamusitula okumussa ku kabangali bamutwale mu ddwaaliro.

Kabangali ya poliisi etomed...

KABANGALI ya poliisi ewabye n'erumba okukazi abadde atambulira ku mabbali g'ekkubo okukkakkana ng'emumenye okugulu....

Mu Kkooti ye kkansala w'e Luzira, Willy Turinawe  ng'atottola obulumi bwe bayitamu.

Abatuuze batabukidde abayoo...

ABATUUZE ba Stage 7 e Luzira ekisangibwa mu Munispaali y'e Nakawa bavudde mu mbeera ne batabukira abakozi ba Kkampuni...