TOP

Ebya Sekikubo byonoonese

Added 3rd August 2010

Sekikubo yeetutte yekka ku kitebe kya bambega ba poliisi e Kibuli gye yabadde ayitiddwa okukola Sitatimenti kyokka ne bamukwatirayo. Yakwatiddwa ku ssaawa nga 10. Poliisi emugguddeko emisango okuli okutabula okulonda e Sembabule, okuleeta akavuyo omwakubiddwa omuntu amasasi n’okukozesa emmundu mu

Sekikubo yeetutte yekka ku kitebe kya bambega ba poliisi e Kibuli gye yabadde ayitiddwa okukola Sitatimenti kyokka ne bamukwatirayo. Yakwatiddwa ku ssaawa nga 10. Poliisi emugguddeko emisango okuli okutabula okulonda e Sembabule, okuleeta akavuyo omwakubiddwa omuntu amasasi n’okukozesa emmundu mu bukyamu.

Ku Poliisi, yawerekeddwa looya we.  Yatuukidde mu ofiisi y’omumyuka w’akulira bambega Moses Sakira eyamuggyeko sitetimenti ng’ayambibwako bambega abalala. Omwogezi wa Poliisi, Judith Nabakooba yategeezezza Bukedde nti Sekikubo yabadde ku poliisi n’omukuumi we Alex.

Alex yakubye essasi mbega wa ISO, Lt. Habib Nsamba Kanyarutookye  mu lubuto.

Bino byaddiridde Sekikubo okuwakanya okulonda e Sembabule obutagenda mu maaso okutuusa ng’eggombolola y’e Lwemiyaga gy’akiikirira nayo emaze okulonda.

Ekyaddiridde kulwana wakati w’abawagizi ba Sekikubo ne Minisita Sam Kuteesa. Kigambibwa nti Sekikubo yaggye ku mukuumi we pisito n’agikwata olwo n’atandika okusambasamba ebyabadde bigenda okukozesebwa mu kulonda. Okulonda kwayimiriziddwa kyokka embeera bwe yakkakkanye ekiwayi kya Kuteesa ne kiddayo ne bamulonda ku Bwassentebe.

Yakitadde ku  Kuteesa nti ye yavuddeko embeera okutabuka kubanga yabadde tayagala b’e Lwemiyaga kwetaba mu kulonda.

Maj. Gen. Kale Kayihura yategeezezza bannamawulire nti ayimirizza akulira poliisi y’e Sembabule, Obedi Okwir olw’okulemererwa okukozesa obusobozi bwe yabadde nabwo okukuuma abantu.

Yagambye nti bagenda kunoonyereza okuzuula engeri Sekikubo gye yafunyemu pisito gye yabadde nayo ate ng’eyiye yamuggyibwako.

Oluvannyuma Sekikubo yatwaliddwa e Ssembabule gye baamusibidde.    


Ebya Sekikubo byonoonese

More From The Author

Emboozi z’omuwandiisi endala

Emboozi endala

Omukyala ng’akuuta bbebi ebinnyo.

Kozesa kigerekyampisi okuvu...

EBINNYO bwe bulwadde obukwata abaana abali wakati wa wiiki emu n’emyezi esatu. Omwana alwadde ebinnyo ebibuno biba...

Mmeeya Balimwezo ng’ayogera eri bakkansala mu lukiiko lwa kkanso. Ku kkono ye Sipiika Moses Mubiru ne Town Clerk, Denis Omodi.

Balaajanye ku ky'okwerula e...

ABAKULEMBEZE mu Munisipaali y’e Nakawa balaajanidde Gavumenti okwerula ensalosalo za Munisipaali y’e Nakawa mu...

Taremwa (atudde) ng’agezaako okunnyonnyola ababanja ez’Emyoga.

Ez'emyoga zitabudde aba sal...

ABAVUBUKA abeegattira mu bibiina by’abasala enviiri mu kibuga Mbarara nga baavudde mu Kishenyi Saloon Association...

Bannamawulire okuva mu Busoga, abeetabye mu musomo.

Omukungu alaze ekyalemesa N...

Omukungu akulira ekitongole ekivunaanyizibwa okukuuma n’okulabirira obutonde, Dr. Daniel Babikwa ategeezezza nti...

Ssentebe Bbaale (ayambadde enkofiira) n’abatuuze. Ow’okubiri ku kkono ye Ssendi.

▶️ Ab'e Mutundwe batabukid...

ABATUUZE mu zooni ya Kweba e Mutundwe, bavudde mu mbeera ne balumba ekkolero ly'omugagga Joseph Kiyimba, nnannyini...