Pooriisi yakwata babiri ahabw’okuguza abantu omuri S.Sudan

Yudaaya Namyalo
Journalist @New Vision
Oct 12, 2023

Pooriisi yakwata babiri ahabw’okuguza abantu omuri S.Sudan

N’ebya Stuart Yiga

Pooriisi omu disiturikiti ya Adjumani omumatemba g’eihanga yakwata abantu babiri omu kucondooza ahi ekikoosi baretsire abantu 8 ab’enzaarwa ya South Sudan omu Uganda.

Maguek Machar, empungi kuruga South Sudan orikutuura omu kampu eya Ocea Refugee Settlement omu disiturikiti ya Madi-Okollo na Salih Yonsif, 42, omutuura wa Tanganyika omu rurembo orwa Lira nibagambwa kuba bakoozire ebikorwa ebi ahabiro 4/10/2023.

Omugambirizi wa pooriisi, Fred Enanga obu abaire nagambaho n’abanyamakuru aharwakashatu nyomwabazyo agiizire ngu ababiri aba bakwaatirwe ahari Sinyanya VLG omu disiturikiti ya Adjumani omumotoka ya Toyota Noah namba SSD 532M.

Abandi ababaire bari omumotoka egi ni Ibrahim Sana Siddige, 48, Adam Ali Samar, 27, Adam Ali Younies Tanga, 23 n’abaana 4 abari ahagati y’emyaka 10-17.

Okucondooza okwakozirweho nikworeka ngu abantu aba bahairwe omuri Nyala omumashuma g’orurembo ora Darfur.

Nikigambwa ngu ababiri aba babaihire okuheereza 8 aba entuura nungi. Beitu hoona Enanga naagira ngu obwahati babatwaire omu Ofiisi y’enganzi y’eihanga kandi abakwatsirwe nibaija kutwarwa omu kooti ahamishango y’okuguza abantu.

#WestUpdates

Related Articles

No Comment


(adsbygoogle = window.adsbygoogle || []).push({});