TOP

Ssentebe attottodde

Added 20th September 2009

Omusango guli mu kkooti y’omulamuzi Moses Mukiibi e Masaka.


Ekirayiro: Nze Matovu Gerald Ssaalongo, ndayira nti obujulizi bwe ng’enda okuwa mu kkooti wano bwa mazima meereere.
Wagona (omuwaabi wa Gavumenti): Obeera wa?
Matovu: Kayugi.
Wagona: Okola mulimu ki?
Matovu:

Omusango guli mu kkooti y’omulamuzi Moses Mukiibi e Masaka.


Ekirayiro: Nze Matovu Gerald Ssaalongo, ndayira nti obujulizi bwe ng’enda okuwa mu kkooti wano bwa mazima meereere.
Wagona (omuwaabi wa Gavumenti): Obeera wa?
Matovu: Kayugi.
Wagona: Okola mulimu ki?
Matovu: Nsomesa.
Wagona: Wa?
Matovu: Kayugi P/S.
Wagona: Ki ekirala ky’okola?
Matovu: Ndi mulimi.
Wagona: Olina buvunaanyizibwa ki ku kyalo?
Matovu: Nze ssentebe wa LCI ow’ekyalo Kayugi.
Wagona: Okuva ddi?
Matovu: 2001 okutuuka kati.
Wagona: Kasirye Joseph wali omumanyi?
Matovu: Ye. Yali mwana ng’asoma ku ssomero lyange.
Wagona: Mu kibiina ki? Era mwaka ki?
Matovu: P3 mu 2008
Wagona: Umar Kateregga omumanyi?
Matovu: Ye ssebo.
Wagona: Wamumanya otya?
Matovu: Yali abeera ku kyalo kye nkulemebera.
Wagona: Ddi lwe yali omutuuze ku kyalo ekyo?
Matovu:  Okuva 2006. Wagona: Yali akola ki ku kyalo?
Matovu: Musawo Muganda.
Wagona: Moses Makumbi omumanyi?
Matovu: Mmumanyi.
Wagona: Abeera wa?
Matovu: Njumaga.
Wagona: Kisangibwa wa?
Matovu: Mukungwe mu Disitulikiti y’e Masaka.
Wagona: Wamumanya otya?
Matovu: Mutuuze bwe tulinaanye ebitundu.
Mulamuzi: Njumaga ne Kayugi kyalo kimu?
Matovu: Bombi byalo ebyerinaanye.
Wagona: Waliwo buwanvu ki okuva e Makumbi n’owuwo?
Matovu: Mayiro ng’emu.
Wagona : Akola ki?
Matovu:Musawo Muganda.
Wagona: Okuva ewa Makumbi okutuuka ewa Kateregga waliwo bbanga ki?
Matovu: Kitundu kya Mayiro.
Wagona: Omanya oba waaliwo enkolagana wakati wa Kateregga ne Makumbi mu by’emirimu?
Matovu: Sirina kye nkimanyiiko ssebo.
Wagona: Ojjukira ebyaliwo nga 28 October, 2008 ebikwata ku musango oguli mu kkooti. 
Matovu: Nnali waka ku ssaawa nga 2:30. Nnalaba Kateregga ne mukazi we Nabukeera bayita ewange. Waayitawo eddakiika nga 15, ow’ebyokwerinda Sebwana n’akomawo nabo. Yabaleeta ewange n’ag’amba nti omuwala Najjuka abeera ewa Mw. Mulondo amukubidde essimu ng’amutege-eza nti omwana waabwe Kasirye Joseph yabuze ekiro.
Wagona: Sebwana bwe yamala okukubuulira ebyo wakola ki?
Matovu: Nnakubira Mulo-ndo essimu nti abantu mbafunye nabo ne bajja.
Wagona: B’ani abajja?
Matovu: Mulondo n’abantu abalala ab’oku kyalo be sijjukira bulungi.
Wagona: Kiki kye wakola?
Matovu: Awo we bampe-era n’amawulire nti waliwo n’entaana gye baali baziik-udde. Ne tugenda mu maka ga Kateregga nga tuli ne Sebwana, Mulondo, Najjuka, Kateregga, Nabukeera  n’abatuuze abalala.
Wagona: Bwe mwatuuka awaka ki kye mwakola?
Matovu: Tweyongera oku-buuza Kateregga ne mukazi we ekyatuuse ku mwana ne beegaana.

 ENTAANA EWA KATEREGGA

Wagona: Ki kye mwakola?
Matovu: Bwe twalabawo entaana enziikule ne tutya ne tusalawo okubatwala ku Poliisi e Kako.
Mulamuzi: Entaana yali wa?
Matovu: Wa Kateregga nga yasimuddwa.
Mulamuzi: Ennyumba ya Kateregga mwagyaza?
Matovu: Ye ssebo.
Wagona: Kiki kye mwazuula mu nju?
Matovu: Mwalimu endeku, ensaasi, n’eddagala egganda nga biri ku kaliba mu ddiiro.
Wagona: Abantu bameka be wali nabo?
Matovu: Nga 20.
Wagona: Baava wa ?
Matovu: Mu kitundu kyaffe.
Mulamuzi: Ogambye nti mwayingira mu nju?
Matovu;  Ebyo bye nnalaba.
Mulamuzi: Walaba ku musaayi?
Matovu: Ssaagulaba.
Mulamuzi: Bwali buvunaanyizibwa bwo okubatwala ku Poliisi?
Matovu: Twasalawo okubatwala ku Poliisi e Kako naye oluvannyuma twabatwala e Masaka nga Nabukeera atugambye nti bba Kateregga ye yali asse omwana.
Wagona: Toyogera bitakubuuziddwa.
Mulamuzi: Wano tulina enkola, tomala googere bitakubuuziddwa mu ngeri eya katogo, ebyo bikola wammwe e Kayugi, wano tuva nsonga emu kw’emu nga bagikubuuza.
Matovu: Ye ssebo.
Wagona: E Masaka wagenda w’ani?
Matovu: Mu ofiisi ya OC CID.
Wagona: Ate Kateregga ne mukyala we?
Matovu: Nnali nabo twagenda nabo mu ofiisi ya CID.
Mulamuzi: Walaba ku mulambo gw’omwana n’amaaso go?
Matovu: Twagenda ne Poliisi gye yali asudde omula-
mbo ne ngulabako
n’amaaso gange.
Mulamuzi: Oli omu ku
ba Poliisi?
Matovu: Nze nnali mmannyi ekitundu.
Mulamuzi: Leka kwetwala nti omanyi bingi, Poliisi ye yakusaba okugitwala yo?
Matovu: Bansaba okubatwala kubanga Kateregga yayogerera mu maaso ga Poliisi nga nange wendi.
Mulamuzi: Bantu bameka abaali mu ofiisi ya CID?
Matovu: Mwalimu Kateregga ne mukazi, nze, OC w’e Kako, OC CID ow’e Masaka n’abase-rikale abalala nga bataano.
Mulamuzi: Kateregga n’ayogera ki?
Matovu: Yatugamba ekifo we baali basudde omulambo gw’omwana, OC n’ambuuza oba ekifo nkimanyi?
Wagona:  Ekifo ki?
Matovu: Ekifo kiri ku kisaalu ku nnyanja y’e Kayugi
Wagona: Kiki ekyakolebwa?
Matovu: OC CID yafuna abaserikale ne tugenda yo.
Wagona: Ani yakulembera Poliisi?
Matovu: Nze nnali mmanyi ekifo ne mbakulembera.
Wagona: Ate Kateregga?
Matovu: Twamulekayo ku Poliisi.
Wagona: Mwagenda mu kifo ki?
Matovu: E Kayugi ku kisaalu.
Wagona: Omulimu gwo gwali ki?
Matovu: Nnabatuusa ku lusaalu, twatambula mpolampola kubanga obudde bwali bwa kiro nga tweyambisa ttooki ate ng’ekifo kirimu amazzi.
Wagona: Zaali ssaawa mmeka?
Matovu: Nga 2:00 ez’ekiro.

Taata w’omwana ye yasooka okulaba omulambo

Wagona: Kiki ekyava mu muyiggo?
Matovu: Twasooka kubula era kyatutwalira obudde nga tunoonya.
Mulamuzi: Mwali mutambulira mu mazzi?
Matovu: Ye ssebo, naye tuba tunaatera okulemererwa okulaba omulambo. Nze ne kitaawe w’omwana tweyongera mu maaso nga banvaako emabega, omulambo ne tuguzuula.
Mulamuzi: Ani yalaba?
Matovu: Taata w’omwana yennyini ye yalaba n’atugamba nti, ‘bannanange omwana wange wuuno yafudde dda’.
Mulamuzi: Gwe walaba ki?
Matovu: Omulambo nga bagutadde mu kakutiya.
Wagona: Kakutiya kika ki?
Matovu: Buno obweru bwe bassaamu obuwunga.
Mulamuzi: Gwali mu kakuyita, wategeera otya nti mulambo?
Matovu: Amagulu gaali gasigadde bweru.
Wagona: Kiki ekyakolebwa?
Matovu: Omulambo gwasitulwayo ne gutwalibwa ku lukalu nga tuyambibwako Poliisi n’abatuuze. Poliisi yagusumulula nga teguliiko mutwe, kkundi n’ebitundu eby’ekyama. Oluvannyuma Poliisi yaguzinga n’eguleeta e Masaka.
Mulamuzi: Wadda ne Poliisi e Masaka
Matovu: Nedda ssebo
Mulamuzi: Mulimu ki omulala gwe wakola?
Matovu: Twaddayo ku kyalo ne tulinda kuziika.
 
Ebirala birinde enkya.

Ssentebe attottodde

More From The Author

Emboozi z’omuwandiisi endala

Emboozi endala

Kakooza Mutale ng'aliko byannyonnyola.

Enkwe za baminisita ze ziwa...

MAJ. Kakooza Mutale awabudde Pulezidenti Museveni ku nsonga ezaamuwanguzza mu Buganda n'awakanya abakissa ku busosoze...

Balumirizza Cameroon eddogo

KATEMBA yalabikidde mu mpaka za CHAN eziyindira mu ggwanga lya Cameroon, omutendesi wa Zimbabwe, Zdravko Logarusic...

Pasita Musisi n’abazannyi ba Busiro abaasoose mu kkanisa ye e Kaggala, Wakiso ku Ssande.

'Ababaka mulwanirire emizan...

PASITA Paul Musisi, akulira ekkanisa ya Caring Heart Ministries e Kaggala mu Wakiso adduukiridde ttiimu y’essaza...

Abavubuka ba Yellow Power.

Aba Yellow Power baagala Ka...

ABAVUBUKA b'ekisinde kya Yellow Power mu NRM, nga bano bakola gwa kukunga bantu, baagala Ssaabawandiisi  w'ekibiina...

Omuteebi wa Busiro, Usama Arafat ng’asindirira ennyanda ku ggoolo ya Kyaggwe gye yawangula 2-1 mu gy’ebibinja. Eggulo, Busiro yakubye Mawogola 1-0 eggulo okwesogga semi.

Busiro ne Bulemeezi ziri ku...

BULEMEEZI ne Busiro zifungizza okuwangula ekikopo ky'omupiira eky'Amasaza ga Buganda. Bulemeezi yatimpudde Busujju...