Mukuru w’eishomero omuri Mukono ahungire bwanyima y’okutorobooza omweegi

Mukuru w’eishomero omuri Mukono ahungire bwanyima y’okutorobooza omweegi

N’ebya Henry Nsubuga

Pooriisi omu divijooni ya Naggalama omu disiturikiti ya Mukono bariyo nibahiiga mukuru w’eishomero omugomborora ya Nakifuma orikugambwa kuba tarooboize kandi akatweka omweegi wa P.7.

Omugambirizi wa pooriisi ahabwa Kampala n’emyanya egyetoreire, Patrick Onyango naagira ngu orikujunaanwa ni Otim Jolly Joe, mukuru w’eishomero ry’efuuzi erya purayimare.

Onyango nashoboorora ngu Omukwamunaana 2023, omukyaro kya Busenya omu tauni kanso ya Naggalama, Otim akeeta omweegi w’emyaka 14 ah’eishomero rye, ku yataahire omunju nikwo kumujura emyenda kifuba akamutorobooza.

Onyango naagira Omukwamwenda, Otim akaha omwishiki ogu shiringi 5,000 kuza kukyebeza omu eirwariro nikwo kushanga aine enda.

Ahabiro 30/9/2023, Otim akagaruka yaaha omwishiki ogu shiringi 60,000 kwihamu enda, eki abashaho bayangire kukora nikwo kumanyisa nyina na dayirekita w’eishomero.

Bwanyima y’okumanya ngu amakuru aga gamanyirwe, Otim atoorokire ah’eishomero.

Okucondooza omu mushango ogu kwatandikire.

#WestUpdates