TOP

Owapoliisi bamukubye ne bamuggyako emmundu

Added 4th January 2012

OMUSERIKALE wa poliisi ababbi bamusanze yeebase ng’akuuma ne bamukuba akatayimbwa ku mutwe n’okumufumita ebiso ne bamunyagako emmundu.

Bya Deborah Nanfuka  ne Shamim Nabunya       

OMUSERIKALE wa poliisi ababbi bamusanze yeebase ng’akuuma ne bamukuba akatayimbwa ku mutwe n’okumufumita ebiso  ne bamunyagako emmundu.

Isaac Oboth 25,  akolera ku poliisi y’e Ngobe e Bunamwaya era yaweereddwa ekitanda mu ddwaaliro e Mulago n’ebisago ku mutwe. 

Oboth baserikale banne baamuleseewo ne bagenda okulawuna ekitundu ye n’asigala mu kayumba ka poliisi era wano abazigu we baamusooberedde ng’asumagidde mu katebe ne basooka ne bamukuba akatayimbwa ku mutwe oluvannyuma ne bamubbako emmundu..

Oboth yabiddwako emmundu ekika kya AK47 wabula muliraanwa we Patrick Tazenya amujjanjaba e Mulago yategeezezza nti yaddukiridde kyokka ng’emmundu bamaze okugimunyagako ne bamutemaatema.

Omukwanaganya wa poliisi n’abantu baabulijjo, Stephen Mukombe yategeezezza nti ettemu lisusse mu Ngobe ate ng’ababbi baana baakukyalo era abantu babamanyi naye batya okutegeeza poliisi.

Yategeezezza nti gye buvuddeko ababbi ab’emmundu bateeze Emmanuel Bwanika ne bamunyagako emmotoka kyokka bwe yabeegayirira bamulekere obulamu kwe kunyaga emmotoka eyabalemeredde ne bagisuula.

Ate abantu bana abazigu babatemyetemye mu kiro Ky’Ousooka Omwaka era bapooceza mu ddwaaliro e Mulago.

Abubakar Wamala omutuuze w’e Kawempe mu Katooke Zooni era omukozi mu kkampuni ya Roko yabadde addayo eka ng’ava okujaguza okumalako omwaka ne bamutemaatema n’okumukuba emiggo nga kati apooca e Mulago.

Mohamed Watorya omutuuze w’e Namuwongo omukuumi mu bbaala ya Umoja yamufumise ebiso n’amukuba ne batooni nga bazannya puulu mu kiro ky’Olusooka Omwaka.

Martin Nsereti 35, omutuuze we Pallisa yabadde anaatera okutuuka mu makaage ng’atambulira ku pikipiki abasajja abataategeerekese ne bamutema ejjambiya mu ffeesi n’omukono nga kiteeberezebwa okuba nti kyavudde ku mpalana za ttaka.

Ate Ababbi bapangisizza owa bodaboda Jackson Tumwesigye omutuuze w’e Mukono okubatwala e Kisaasi bwe batuuse mu kkubo ne bamukuba ennyondo ne bamunyagako piki-piki.

Tumwesigye annyonnyola nti abadde akolera ku Bishop Stage e Mukono. Poliisi yamulonze Kisaasi ku nkingizi za Kampala n’emutwala mu ddwaaliro e Mulago. Agamba nti yabbiddwako pikipiki UDI205R Bajaj Boxer gy’abadde yakagula. 

Owapoliisi bamukubye ne bamuggyako emmundu

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....