TOP

Omuliro gwokezza amaduuka e Nakulabye

Added 24th January 2012

ABALINA obuduuka ku nkulungo e Nakulabye baakeredde mu maziga omuliro gwasaanyizzaawo obuduuka bwabwe ne bafiirwa ebyamaguzi.

Bya Benjamin Ssebaggala

ABASUUBUZI abakolera okuliraana enkulungo e Nakulabye bakedde kukulukusa maziga oluvannyuma lwa nnabbambula w'omuliro okusanyaawo obuduuka n'emidaala gyaabwe mu kiro ekikeesa Olwokubiri emmaali yaabwe n'eteta.

Abaafiiriziddwa ebyabwe kuliko obuduuka bw’engoye, ssaaluuni, ebirabo by’emmere n'obuduuka obutunda cakalacakala era omuntu omu eyabadde mu dduuka n'asimattuse okufiiramu abadduukirize bwe baamenye oluggi ne bamutaasa.

Omuliro gwakutte mu kiro ekikeesa Olwokubiri ku ssaawa 7:00 nga we gwatandikidde amasannyalaze tegaabaddeko. Abantu baategeezezza nti kyandiba ng'omuliro gwavudde ku bafumbira emmere mu kifo kino okulekeko essigiri nga zaaka.

Abadduukirize ne poliisi nga bazikiriza omuliro Ekif.Benjamin Ssebaggala

William Kizito omu ku baasoose mu kifo yategeezezza nti baalengedde omuliro nga gwaka kwe kusembera baagenze okutuukawo ng’ennimi z’omuliro zifuuwa okuva mu kirabo ky’emmere.

Poliisi n'abadduukirize nga balwanagana omuliro Ekif.Benjamin Ssebaggala

Emmanuel Mugisha eyasimattuse omuliro yategeezezza nti yabadde yakeebaka ng’amasannyalaze tegaliiko kwe kuwulira ekiziyiro n'asituka kyokka nga takyasobola kulaba mulyango gumufulumya olw'omukka omungi era abadduukirize be baamenye oluggi okumutaasa.

Abamu ku baafiiriddwa ebyabwe nga balwanagana n'omuliro, Ekif.Benjamin Ssebaggala

Poliisi ezikiza omuliro we yatuukidde ng’abadduukirize bakola ekisoboka okuzikiriza omuliro obutakwatiramu bizimbe ebiriraanyeewo.

Mugisha eyasimattuse ng'akuuma ebintu bye yataasizza, Ekif.Benjamin Ssebaggala

Abamu beefudde abadduukirize ne bayingira akaduuka ka Havana aka Mobile money ne babbamu ‘airtime’ ne ssente enkalu ezitategeerekese muwendo.

feg

More From The Author

Emboozi z’omuwandiisi endala

Emboozi endala

Kakooza Mutale

Mutale awabudde Museveni: '...

MAJ. Kakooza Mutale awabudde Pulezidenti Museveni nti ekya NRM okuwangulwa mu Buganda si kubeera basosoze mu mawanga,...

Katebalirwe

'Gavumenti yabadde ntuufu o...

AKAKIIKO k'eddembe ly'obuntu kayise ba agenti b'abeesimbyewo abaakwatiddwa oba okutaataaganyizibwa ku lunaku lw'okulonda,...

Ssebunnya

Ssebunnya alambuludde ebyas...

OMUWABUZI wa Pulezidenti Museveni ku nsonga za Buganda, Robert Ssebunnya avuddeyo n'ayogera ku mbeera y'ebyokulonda...

Nabirah.

Omuliro mu kalulu ka Bammeeya

BANNAKAMPALA basuze mu keetereekerero okulonda Loodi Meeya wabula ekibuuzo ekiri mu bantu kiri kimu: Erias Lukwago...

Bano baabadde ku boodabooda nga batwala omulwadde mu ddwaaliro.

Basonze ku kyasuddeMuseveni...

ABATUUZE mu disitulikiti y'e Mayuge n'abakulembeze boogedde lwaki Robert Kyagulanyi Ssentamu ‘Bobi Wine' owa NUP...