TOP

Atigomya ab'oku Kaleerwe akubye abaserikale

Added 14th June 2012

AKULIRA ekibinja ky’ababbi ku Kaleerwe ekya ‘sirimu’ akubye abaserikale bwe babadde bamukwata oluvannyuma lw’okumunoonyeza ebbanga eggwanvu.

Bya MOSES LEMISA

AKULIRA ekibinja ky’ababbi ku Kaleerwe ekya ‘sirimu’ akubye abaserikale bwe babadde bamukwata oluvannyuma lw’okumunoonyeza ebbanga eggwanvu. 

Emmanuel Dumba 22 omutuuze w’omu Good Hope Zooni nga kigambibwa nti y’akulira ekibinja kya ‘Sirimu’ ku Kaleerwe yakkakkanye ku baserikale ba Poliisi n’abeggye ezzibizi okuva mu Ofiisi ya RCC, Yayaha Kakooza n’abakuba bwe babadde bamukwata. 

Dumba ekibinja ky’akulira ekya ‘sirimu’ kimenya amayumba n’okuteega abantu ne babakuba eranga si gwe mulundi ogusoose nga Poliisi emukwata kyokka n’ayimbulwa.

Ku luno abatuuze baamaze kwemulugunya nti singa anaaba takwatiddwa olwo poliisi ejja kuba terina by’ekola. Oluvannyuma lwa Poliisi okutemezebwako omu ku batuuze nti Dumba yabadde ali awaka baamuzinzeeko n’asooka abakuba ebikonde n’okubasamba wabula mu kulwanagana kuno Dumba empale zaayulise. 

Oluvannyma Maama wa Dumba amanyiddwa nga Nnaalongo naye olutalo yalweyunzeeko n’agamba abaserikale nti mutabani we si mubbi bamuwaayiriza. Yakutte mutabani okugulu n’agamba abaserikale nti tebalina gye bamulaza.

‘‘Munkube amasasi naye temugenda kumuggya wano kuba nammwe abamu ku baserikale muli babbi,” Nnaalongo bwe yategeezezza. Poliisi yasobodde okuwangula olutalo n’etwala Dumba nga kati akuumirwa ku Poliisi y’e Wandegeya. 

Akulira Poliisi y’oku Kaleerwe, William Oribariho yategeezezza nti basigazizza kukwata Jamir, Kairasi ne Yunusu nga bano be bamyuka ba Dumba mu kibinja kya Sirimu. Omusango gwa Dumba guli ku fayiro nnamba SD:19/13/06/2012.

Atigomya ab’oku Kaleerwe akubye abaserikale

More From The Author

Emboozi z’omuwandiisi endala

Emboozi endala

DERRICK ORONE naye alaze by...

Yawangudde eky'omubaka wa Gogonyo mu disitulikiti y'e Pallisa. Aludde mu nsiike y'okuyimba era abaddeko maneja...

GEOFFREY LUTAAYA alaze byat...

GEOFFREY LUTAAYA Sisobola kuva mu kuyimba kuba kwe kunfudde Lutaaya ensi gw'emanyi naye olw'obuvunaanyizibwa kati...

Ebyakwasizza Dr Lulume mu k...

OMUBAKA wa Buikwe South eyaakalondebwa Dr. Lulume Bayiga n'abantu abalala mwenda baakwatiddwa poliisi y'e Nyenga...

'Siri mwangu buli ankubyeek...

EYAGAANYE okusasula ssente z'entambula bamutabukidde ne bamwambula ne bamutwala ku poliisi gye yeekoledde obusolo...

Ssaabasumba asabye Gavument...

SAABASUMBA w'Essaza ekkulu erya Kampala Dr.Cyprian Kizito Lwanga awadde Pulezidenti Museveni amagezi okusoosowaza...