TOP
  • Home
  • Amawulire
  • Poliisi ekyanoonya omulambo gw'omukozi w'eddwaaliro ly'e Lubaga

Poliisi ekyanoonya omulambo gw'omukozi w'eddwaaliro ly'e Lubaga

Added 30th July 2014

POLIISI eyungudde abakugu okuva e Ntebe mu kaweefube w’okuzuula omulambo gw’omwogezi w’eddwaaliro ly’e Lubanga, Joan Twizere Umimana 25, eyagudde mu mazzi ku biyiriro by’e Itanda Butagaya e Jinja ku Ssande.



Bya DONALD KIIRYA

POLIISI eyungudde abakugu okuva e Ntebe mu kaweefube w’okuzuula omulambo gw’omwogezi w’eddwaaliro ly’e Lubanga,  Joan Twizere Umimana 25, eyagudde mu mazzi ku biyiriro by’e Itanda Butagaya e Jinja ku Ssande.

Aduumira poliisi mu bukiikakkono bwa Kiira Samuel Madira yategeezezza nti abakugu ba lubbira eggulo baatuuse ku biyiriro ne bongera amaanyi mu kunoonya omulambo gwa Twizere. Abadde muwala wa Dr. Matias Habirule ow’e Mulago ne Pasikazia Nyiransaba  omusomesa wa siniya nga b’e Kikaaya B Kisaasi.

Kigambibwa Twizere yakedde ku Ssande n’atwala nnyina ku kkanisa olwo ye n’ayolekera e Jinja ne mikwano gye Herman Katanda omuyizi mu st. James e Jinja okulambula ne balinnya mu lyato okwekuba ebifaananyi kyokka eyabadde abakuba bwe yaseeredde okugwa mu mazzi Twizere n’agezaako okumubaka bombi ne bagwamu oluvannyuma mukwano gwe baamunnyuludde.

Akulira eddwaaliro ly’e Lubaga, Dr. Peter Kibuuka yategeezezza New Vision nti yasembye okulaba Twizere ku Lwokutaano nga bateeka emikono ku ndagaano ne kkampuni ezimba mu ddwaaliro n’akuba ebifaananyi bingi era y’abadde akulira pulojekiti eno ey’okuzimba n’okuginoonyeza ensimbi.  Twizere yazaalibwa April 12, 1989 e Kololo.

  • Yasoma mawulire n’attikirwa mu 2012 e Makerere.
  • Yaweebwa omulimu gw’okwogerera eddwaliro ly’e Lubaga omwaka oguwedde.
  • W’afiiridde nga baakamukakasa okubeera omukozi omujjuvu.
 

Bakyanoonya omulambo gw’omukozi w’eddwaaliro ly’e Lubaga

More From The Author

Emboozi z’omuwandiisi endala

Emboozi endala

Abasajja bano abeefuula ab'ekitongle ky'amazzi ne babba Abachina.

Abeefuula abakozi mu kitong...

Poliisi ng'eyita mu bitongole byayo okuli ekikessi, ekinoonyereza ku misango n'ekitongole ky'amagye ekikessi ekya...

Ssewannyana ng'annyonnyola bannamawulire.

Njagala ntebe ya FUFA - All...

Allan Ssewanya omubaka wa Makindye West alangiridde nga bw'agenda okwesimbawo ku ntebe ya Pulezidenti wa FUFA asigukkulule...

Mininsita Amelia n'aba UNBS balambula ekyuma ky'entyangawuuzi ekyaweebwa abalimi e Kammengo.

Gavt. yaakwongera ebibiina ...

MINISITULE y'ebyobusuubuzi esuubizza okwongera ebibiina by'obwegassi obuyambi bw'ebyuma ebissa ebirime n'ekigendererwa...

Abayizi ba Iganga Town View SSS nga balinda okukola ebigezo byabwe.

Ebigezo bya S.6 e Iganga bi...

EBIGEZO by'abayizi ba S.6 bitandise bulungi era mu budde awatali buzibu bwonna okwetooloola amasomero ag'enjawulo...

Abasomesa nga baweebwa ebigezo by'amasomero gaabwe.

Enkuba teremesezza bigezo k...

Wadde ng'enkuba yakedde kutonnya mu bitundu by'omu disitulikiti y'e Kalungu teyalemesezza bakulu b'amasomero kunona...