TOP
  • Home
  • Amawulire
  • Museveni alabudde Abamba n'Abakonzo okukomya entalo z'amawanga

Museveni alabudde Abamba n'Abakonzo okukomya entalo z'amawanga

Added 20th January 2016

Ekisuubizo kino Museveni yakikoledde ku Burambagira Primary School e Bugendera bwe yabadde anoonya akalulu mu disitulikiti y’e Bundibugyo.

 baatonedde Museveni effumu ery’emitwe esatu n’ekikapu (ky’ayambadde mu mukono ogwa kkono).

baatonedde Museveni effumu ery’emitwe esatu n’ekikapu (ky’ayambadde mu mukono ogwa kkono).

PULEZIDENTI Museveni agambye nti okumalawo enkaayana wakati w’Abamba n’Abakonzo agenda kuwagira eky’okusuumuusa essaza lya Bugendera efuuke disitulikiti okuva ku Bundibugyo.

Ekisuubizo kino Museveni yakikoledde ku Burambagira Primary School e Bugendera bwe yabadde anoonya akalulu mu disitulikiti y’e Bundibugyo.

Abantu baakubye engalo n’enduulu ey’oluleekereeke nga basanyukira ekisuubizo kino.

“Saagala disitulikiti ya buvuyo, erimu entalo z’amawanga. Disitulikiti eteekwa okuba ng’ewa abantu obukulembeze obutuukiridde so si ttwaale lya bukulembeze obwensikirano. Era tulina okussa emikono ku ndagaano okukakasa nti disitulikiti egenda kuwa obukulembeze obutuufu,” Museveni bwe yaggumizza.

Abatuuze baawakanyizza ebyabadde bisoose okwogerwa nti disitulikiti empya baabadde baagala kugikwasa Omusinga Charles Mumbere owa Rwenzururu kubanga abantu abasinga obungi abali mu kitundu kino bava Kasese.

Museveni yabategeezezza nti akooye endooliito wakati w’Abamba n’Abakonzo olw’akantu akatono kwe kubawa disitulikiti kubanga ne mu bitundu ebirala waliyo disitulikiti entono ennyo nga Kalangala.

Yanenyezza abatumbula obusosoze mu mawanga n’agamba bano be balemesa enkulaakulana mu bitundu byabwe.

Yasuubizizza nti gavumenti egenda kukola oluguudo lwa Ntandi – Bugendera – Bundibugyo n’abeebaza olw’okubeera abakozi nga balima kkooko, emmwaanyi n’omuceere gwa Bukenya (upland rice).

Yabawadde amagezi ku bino bagatteko okulunda enkoko, embizzi, n’ente ezivaamu amata okusobola okutumbula ebyenfuna byabwe.

More From The Author

Emboozi z’omuwandiisi endala

Emboozi endala

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...

Abasiraamu balabuddwa okuko...

BYA JAMES  MAGALA  Kino kidiridde Poliisi okuyoola abasiraamu 25 e Mpingi nga bagambibwa okuba abayeekera mu...

Bagudde ku mulambo gwa mutu...

Abatuuze b'e Kawaala zooni 2 mu divizoni y'e Rubaga baguddemu ekyekango bwe basanze mutuuze munnaabwe nga yafiridde...