TOP

Pulezidenti Museveni agumizza ab'ebibanja

Added 31st January 2016

Bino abikoledde mu lukiiko lwa bannamawulire lwe yatuuzizza mu maka g’Obwapulezidenti e Kisozi mu disitulikiti y’e Gomba ku Ssande.

 Pulezidenti Museveni

Pulezidenti Museveni

PULEZIDENTI Yoweri Museveni alagidde wabeerewo ennongoosereza mu tteeka ly’Ettaka, oweekibanja abeere ng’asobola okutwala busuulu ku Ggombolola singa nnannyini ttaka aba agaanyi okubukwata.

Bino abikoledde mu lukiiko lwa bannamawulire lwe yatuuzizza mu maka g’Obwapulezidenti e Kisozi mu disitulikiti y’e Gomba ku Ssande.

Yagambye nti ebizibu by’ettaka byatandikira ku mulembe gw’Abazungu abaasalawo okuwa Abataka 1,000 aba Buganda ettaka nga babasiima olw’okukolagana nabo obulungi okufuga Uganda.

Yagambye nti Abataka bano baatandika okuyigganya abantu nga babasoloozaako ebitundu kimu kyakusatu eky’ebirime bye baakungulanga mu ttaka lyabwe n’agamba nti Abazungu baagezaako okutereeza ekizibu kino bwe bassaawo Busuulu & Envujjo Law erya 1928.

Etteeka lino lyagaana bannannyini ttaka okuddamu okusengula abasenze era ne lissaawo n’ekkomo ku busuulu obulina okusasulwa abasenze nga tebulina kusussa 8/-.

Yagambye nti Idi Amin bwe yalya Obwapulezidenti, yassaawo etteeka (Land Decree) erya 1975 n’aggyawo obwannannyini ku ttaka.

Kyokka Gavumenti ya NRM bwe yajja mu buyinza yayagala esseewo okukkaanya n’okulaba nga nnannyini ttaka n’oweekibanja tekuli anyigiriza munne.

Yazzaawo obwannannyini bwa mayiro ku ttaka, kuno kwe baateeka n’okukola etteeka ly’Ettaka nga ligaana nnannyini ttaka okugobaganya oweekibanja.

Yagasseeko nti abeebibanja baalagirwa okusasulayo busuulu mutono eri nnannyini ttaka ng’akasiimo nti kyokka mu kiseera kino akizudde nga bannannyini ttaka beebuzaabuza ne bagaana busuulu ne bakolagana n’ekitongole ekiramuzi ekiragira busuulu bamutwale mu kkooti. Wano w’agambidde nti kino tasobola kukikkiriza n’alagira wateekebwewo ennongoosereza mu tteeka ly’Ettaka, busuulu abeere ng’asasulwa ku Ggombolola.

Ku buli bw’enguzi mu Gavumenti, yasabye buli mukulembeze okutuukiriza olubimbi lwe ng’alondoola engeri ssente za Gavumenti gye zikozesebwamu. Yagambye nti wadde nga ye asobola okulwanyisa obuli bw’enguzi, kyokka tayinza kukikola ku magombolola na disitulikiti nga tayambiddwaako.

Yavumiridde enkola ya bannabyabufuzi b’oludda oluvuganya ey’okucamuukiriza abantu nga y’ensonga lwaki Dr. Besigye aleka okulambula amalwaliro agakoleddwa obulungi n’agenda ku gatannakolebwa.

Olukuhhaana lwetabiddwaamu Sipiika Kadaga, omumyuka asooka owa Katikkiro, Henry Kajura, nnampala wa Gavumenti, Ruth Nankabirwa, baminisita Nyombi Thembo, Vincent Nyanzi ne Matia Kasaija.

More From The Author

Emboozi z’omuwandiisi endala

Emboozi endala

Ono oluggya yaluteekamu ebitebe abantu we bawummulira.

Engeri gy'osobola okukola s...

Oluggya bwe lusukka mu lumu ziba ziyitibwa empya era ebimu ku byafaayo byalwo mu Uganda lubadde lwakwewunda nga...

Ssebbaale ng'asibye ebintu bye ku ggaali agenda.

Afuumudde muganzi we lwa ku...

OMUKAZI anaabidde muganzi we mu maaso n’akwata ebintu bye n’abimuweera ku poliisi ng’agamba nti amukooye olw’obutaba...

Amagye ne poliisi nga batangira abavubuka okukola effujjo.

Okulonda kw'abavubuka e Kay...

OKULONDA kw’abavubuka e Kayunga kuyiise omulundi ogw’okubiri oluvannyuma lw’enjuyi ezivuganya okulemwa okukkaanya...

Omusawo ng'akebera omukazi amannyo. Emabega ye Dr. Sseruyange ne Luswata.

Temulinda kulwala okugenda ...

Abatuuze b’e Nabbingo mu Kyengera Town Council bakubiriziddwa obutalinda kulwala okugenda mu ddwaaliro bajjumbire...

Paasita Bujjingo ng'agumya Jengo mutabani wa Yiga

Paasita Bujjingo akungubagi...

Omusumba w'ekkanisa ya House of Prayer International Aloyzious Bujjingo agugumbudde abaavudeyo ne bogera amafukuule...