TOP
  • Home
  • Amawulire
  • Haji Kiyimba ow'e Nsangi alumbiddwa ekimbe ekikambwe; Byayogera tebitegerekeka!

Haji Kiyimba ow'e Nsangi alumbiddwa ekimbe ekikambwe; Byayogera tebitegerekeka!

Added 23rd May 2016

Ensonda mu ba famire ya Kiyimba zaategeezezza nti abasawo ku Case Clinic baanoonya obulwadde ne bubula, abamu ku benganda kwe kuwa amagezi nti olumbe luganda, lwetaaga kujjanjabirwa waka sso si mu ddwaaliro.

 Hajji Kiyimba

Hajji Kiyimba

Bya Basasi Baffe

SSENTEBE w’eggombolola y’e Nsangi, Haji Abdul Kiyimba alumbiddwa ekimbe nga kati by’ayogera tebikwatagana.

Ekimbe ekigwiridde Haji Kiyimba kituusizza abamu ku behhanda n’emikwano okugamba nti lumbe luganda nga kino bakiggya ku ky’abasawo mu malwaliro ag’enjawulo gye baamusoosezza okubulwa obulwadde sso ng’embeera ye yeeyongera kubiggya.

Ng’oggyeeko okwogera ebitwatagana, Haji Kiyimba tasobola kuyimirira wadde okutuula era asannyaladdeko oludda olumu, ekyongedde okwewanisa aba famire n’ab’emikwano emitima.

Obulwadde, Haji Kiyimba bumulumidde wiiki nnamba nga yasooka kutwalibwa mu ddwaaliro lya Case Clinic ku Buganda Road kyokka embeera n’eyongera kubeera mbi olw’engeri gye yali alogootona ebigambo ebitategeerereka omwali n’olulimi Oluswayiri.

Ensonda mu ba famire ya Kiyimba zaategeezezza nti abasawo ku Case Clinic baanoonya obulwadde ne bubula, abamu ku benganda kwe kuwa amagezi nti olumbe luganda, lwetaaga kujjanjabirwa waka sso si mu ddwaaliro.

 

Hajji Kiyimba ( ku kkono mu kkooti) ku mukolo ogumu gye buvuddeko.

“Abasawo baamwekebejja naye nga tebalina kye balaba, awo aba famire ne bakkiriziganya bafune ekifo ekyenjawulo abakugu we baba bamujjanjabira wabula abalala ne bakiwakanya ne basalawo okumussa mu maka ge ag’e Busega, w’ajjanjabirwa mu kiseera kino.

Mikwano gya Haji Kiyimba omuli n’ebikonge mu Gavumenti n’ebitongole ebyokwerinda naddala Poliisi baatuuseeko mu maka ga Kiyimba e Busega okumusaasira obulwadde.

Abamu ku baatuuseeko ewa Kiyimba ye Alhaj Moses Kigongo, omumyuka wa ssentebe wa NRM era mukwano gwa Kiyimba ow’omunda.

Ensonda zaategeezezza nti Alhaji Kigongo yawadde amagezi omulwadde atwalibwe mu ddwaaliro oba si ekyo atwalibwe mu kifo eky’ekyama asobole okuwummulako kubanga abantu abeeyiwa awaka tebamusobozesa kuwummula.

Abalala kuliko; Amir Sulaiman Kakeeto, akulira Abatabbuliiki b’oku Clock Tower ng’ono y’omu ku bamaseeka ab’enjawulo abali ku lusegere lwa Haji Kiyimba nga bamusomera dduwa asobole okussuuka obulwadde.

Amir Kakeeto yagambye nti embeera ya Haji Kiyimba agenda erongooka n’awakanya ebigambibwa nti yalumbiddwa amajiini oba bulwadde bwa kiganda. Waliwo abantu abamu abaalumirizza nti olumbe olulumba Haji Kiyimba lwamusindikiddwa kuva Tanzania nga lwekuusa ku nsonga za bizinensi.

Eggulo, abavubuka naddala mu Nsangi beecangidde awaka wa ssentebe nga bagamba nti tebayinza kukkiriza mukama waabwe kufa nga balaba be kikwatako bagaanyi okumutwala mu ddwaaliro.

Baaweze enkolokooto nti bwe kineetaagisa, bajja kukozesa ekifuba basitule mukama waabwe bamutwale mu ddwaaliro asobole okufuna obujjanjabi kubanga buli ajja awa magezi gage, ekitalina kye kiyamba okusinziira ku mbeera y’omulwadde bw’eri.

More From The Author

Emboozi z’omuwandiisi endala

Emboozi endala

Bushira ng’akyali ne Dr. Ssebunnya. Ku ddyo, Kamya yasibye Bushira empeta ya nkusibiddaawo.

Bba wa Rema gwe yaleka afun...

OMUWALA Dr. Hamza Ssebunnya bba w’omuyimbi Rema Namakula gwe yalekawo ayanjudde omusajja omulala ne bamusoomooza...

Daddy Andre eyayanjuddwa Nina Rose. Ku ddyo ye muyimbi Katatumba

Angella Katatumba ali mu ki...

OMUYIMBI Angella Katatumba ali mu kiyongobero olwa muyimbi munne Nina Rose okutwala muninkini we, Daddy Andre n’amwanjula...

Abaserikale nga bakunya omusajja eyabadde n'emmundu.

Bamukutte n'emmundu mu luki...

POLIISI ekutte omusajja eyabadde n’abawagizi ba Joe Biden n’emmundu ejjudde amasasi okumpi n’olukuggaana lwa Pulezidenti...

Dokita ng'agema omwana polio.

Polio taggwangayo - Dokita

GAVUMENTI erabudde Bannayuganda ku bulwadde bwa polio ne balagirwa obutabugayaalirira bayongere okutwala abaana...

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...