TOP

Abayindi bakwatiddwa n'emmotoka enzibe

Added 26th May 2016

Omuyindi ono eyabadde mu mujoozi omumyufu n’ekipale ekimpi ekyefaanaanyirizaako eky’amagye yatuuse kyokka n'agaana okuggulira abaserikale ba poliisi okwaza ekikomera okuzuula oba emmotoka egambibwa okuba enzibe mw’eri.

 Omuyindi (ku ddyo) agambibwa okuba nnannyini kikomera mwe baasanze mmotoka egambibwa okuba enzibe ng’aliko by’annyonnyola abapoliisi.

Omuyindi (ku ddyo) agambibwa okuba nnannyini kikomera mwe baasanze mmotoka egambibwa okuba enzibe ng’aliko by’annyonnyola abapoliisi.

Bya ROGERS KIBIRIGE

ABASERIKALE ba poliisi y'e Katwe nga bali wamu n'aba Kira Road bazinze ekikomera ky'Abayindi e Bukoto ne bakukunulayo mmotoka egambibwa okubbibwa ku mugagga w'e Makindye.

Kino kyaddiridde omugagga w'e Makindye mu Kkanisa Zooni, Andrew Julius Kimula okumala ebbanga ng'anoonya mmotoka ye ekika kya Toyota Prado UAV 791Q Chasis no. KDJ1200015474 eyamubbibwako babbulooka abatunda mmotoka z'abagagga mu Kampala okuli Magandaazi ne Mike be yagiwa okugimutundira ku bukadde 120 omwaka oguwedde.

Poliisi yazinze ekikomera kino ku Lwokusatu ssaawa nga 5:00 ez'oku makya n'ekonkona nga tebaggulawo kyokka ng'embwa enkambwe ezaabadde munda ziboggola era nga zibula kubuuka kikomera kuluma baserikale.

Omukozi w'awaka yakubidde mukama we essimu n'ayogera n'omu ku baserikale ba poliisi n'abategeeza nga bwe yabadde e Luweero-Kasana era n'abategeeza nga bwe yabadde agenda okubatuukako mu ddakiika nga 45 zokka.

Poliisi ng’etwala mmotoka egambibwa okuba enzibe okuva mu kikomera ky’Abayindi e Bukoto.

 

Omuyindi ono eyabadde mu mujoozi omumyufu n’ekipale ekimpi ekyefaanaanyirizaako eky’amagye yatuuse kyokka n'agaana okuggulira abaserikale ba poliisi okwaza ekikomera okuzuula oba emmotoka egambibwa okuba enzibe mw’eri.

Yasabye poliisi okumuwa obudde okutuusa ab'oluganda lwe bwe bazze n'ebiwandiiko by'agamba nti kwe yagulira mmotoka eno ne bagifulumya n'etwalibwa ku poliisi ya Kira Road.

Omugagga Kimula agamba nti oluvannyuma lwa babbulooka Magandaazi ne Mike okubawa mmotoka ye eno okugimutundira nga November 19, 2015 ku Garden City mu Kampala.

Agamba yakanda kubasaba ssente kyokka nga bamutegeeza ng’Omuyindi gwe baaguza mmotoka bw'atannabasasula kyokka nga bw’abasaba mmotoka ye, tebagimuwa.

Kimula yagasseeko nti yagenda ku poliisi y'e Katwe n'abaggulako omusango gw'okumubbako mmotoka ye oguli ku fayiro nnamba SD 03/26/03/2016 eyakutte omu ku babbulooka okuli amanyiddwaako erya Mike ne Kamya n'ebaggalira kyokka oluvannyuma ne bateebwa ku kakalu ka poliisi okuyamba poliisi ne Kimula okuzuula mmotoka ye.

Yayongeddeko nti yeewuunya obufere obwakolebwa, mmotoka ye gye yagula ku Robert Kamugisha gye yakyusibwamu amannya n'ezzibwa mu g'Omuyindi Hussein Karmali n'oluvannyuma n'ezzibwa mu g'Omuyindi omulala Zahid Shamsherali Tejan nga ye eyagigula tagikyusangako.

Oluvannyuma mmotoka eno yaggyiddwa ku poliisi ya Kira Road n'etwalibwa ku poliisi y'e Katwe awaaloopebwa omusango n'Abayindi ne batwalibwa ku poliisi e Katwe.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...