TOP

Rose: okikola otya?

Added 18th July 2016

Rose Mwambi Singizi 52, mutuuze w’e Sseeta - Mukono azaalibwa omugenzi Francisco Kakwene ne Phina Kamasaza ab’e Ibanda. Ye nnannyini ssomero lya Little Stars Tenderness ne Little Stars Kindergarten e Najjanankumbi.

 Rose Mwambi

Rose Mwambi

Rose Mwambi Singizi 52, mutuuze w’e Sseeta - Mukono azaalibwa omugenzi Francisco Kakwene ne Phina Kamasaza ab’e Ibanda. Ye nnannyini ssomero lya Little Stars Tenderness ne Little Stars Kindergarten e Najjanankumbi.

l Twazaalibwa abaana 7 nga nze waakusatu wabula kitaffe n’afa nga tukyali bato era maama yaddayo mu bazadde be olw’embeera eyali enzibu.

Eyo gye twakulira era Pulayimale gye nagisomera mu Nyarukiika P/S mu Gombolola y’e Rukiri. Wadde maama yali mukozi, we natuukira okumalako P.7 ensimbi zaali zimwekubya mpi.

Olw’okuba ebiseera ebyo okusoma obusomesa kwali kwa bwereere, nasalawo okuva e Mbarara ne nzija ewa Kojja Mathias Mashahani e Bukoto bwentyo ne neegatta ku Nkozi TTC.

Saasanga buzibu e Nkozi kuba nali mugezi ate omukalabakalaba nga ne kojja ampa obuyambi, wabula engeri gye nnasoma nga nkyali muto ate nga ndi mumpi, abasomesa enkozi baagezaako okunnafuya nga bagamba nti ne bwe naaba nsomye nja kusanga obuzibu mu kugezesebwa kuba nnali waakusanga abayizi abakulu, kyokka ebyo tebyannemesa kye nnali njagala.

l Namala emyaka ena e Nkozi era ne nfuna eddaala eryokubiri mu busomesa ate olwo ne nzira e Mbarara nga mbeera wa kojja Bazilio Tebamanya e Nyabuhikye era eyo gye nnatandikira okusomesa mu Nyabuhikye P/S.

Nasomeseza omwaka gumu ate ne nvaayo ne neegatta ku Nyabushabi Service School e Kabaale ne nfuna eddaala eryokusatu mu busomesa.

Olwo nnalina obuvunaanyizibwa bungi okwali okulabirira maama ne baganda bange abaali balina okusoma, bwentyo nakomawo e Mbarara ne nfuna omulimu gw’obusomesa mu St. Aloysious e Nyamitanga era eno nasomesaayo emyaka ebiri era saafuna buzibu kuba abayizi bantyanga kuba olw’obukambwe newankubadde nnali mumpi era nga ndi muto. Enkya atulaga obukulu bw’okukolagana n’emikwano egizimba mu bizinensi.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...