TOP
  • Home
  • Agawano
  • Nnyaabwe abalimbyelimbye nti agenda kubagulira sooda n'abaddukako

Nnyaabwe abalimbyelimbye nti agenda kubagulira sooda n'abaddukako

Added 30th July 2016

POLIISI y’e Kitebi etubidde n’abaana basatu abaasuuliddwa nnyaabwe ng’abalimbyelimbye nti agenda kubagulira sooda ku dduuka n’adduka.

POLIISI y’e Kitebi etubidde n’abaana basatu abaasuuliddwa nnyaabwe ng’abalimbyelimbye nti agenda kubagulira sooda ku dduuka n’adduka.

Baasuuliddwa mu zooni ya St. Anne mu muluka gw’e Kabowa wiiki ewedde. Bano kuliko; Jane Nassiwa 4, Charles Peter Lwanga, 6 ne Edward Kateregga ow’emyezi omwenda nga baasuuliddwa okumpi n’ekifo kya Teresa House ekikulirwa Fr. Raymond.

Ssentebe wa zooni eno, Ben Mugerwa agamba nti ekifo kino abazadde basusse okusuulawo abaana nga basuubira nti Fr. Raymond, asabira abantu, ajja kubatwala abalabirire.

Agamba abakuuma ennyumba ya Teresa be baamuleetedde abaana bano n’abakwasa poliisi. Lwanga omu ku baana agamba nti babeera Buloba ne maama waabwe gwe bamanyiiko erya Jane ate taata ye Mutebi nti wabula tabeera waka ajja bwa lumu.

Yagambye nti, “Taata yazze awaka ne bayomba ne maama n’atambula n’agenda n’ategeeza nti tagenda kudda. Awo maama n’atugamba twambale atutwale ewa Faaza.”

Omwana ono agamba nti baatuuse mu kifo ekyo n’abagamba nti k’agende abagulire sooda, teyakomyewo.

Yagambye nti tasoma kuba nga maama abagamba nti talina ssente.

Akulira bambega ku poliisi e Kitebi Francis Kateega, yategeezezza nti abaana bano bagenda kukuumibwa poliisi okutuusa nga bazadde baabwe balabise.

Bagguddewo fayiro SD: 07/21/07/16.

More From The Author

Emboozi z’omuwandiisi endala

Emboozi endala

Olukiiko lwa NRM e Bukasa L...

WABADDEWO okusika omuguwa ku Ofiisi za NRM e Bukasa-Masozi mu Ggombolola y'e Bweyogerere mu Munisipaali y'e Kira...

Aba Takisi mu ppaaka y'oku ...

WABALUSEWO obutakanya mu ba takisi mu  ppaaka y'oku kaleerwe ekiwayi ekimu bwe kirumirizza nanyini ttaka kwe bakolera...

Nalweyiso ng'atottola obulamu bw'ekkomera

Gwe baakwatira mu Curfew ne...

OMUYIMBI  eyakwatibwa olw'okugyemeera ebiragiro bya pulezidenti oluvudde mu kkomera e Kigo nayiiya oluyimba lw'atumye...

Abaabadde batendekebwa okuyamba abakoseddwa mu mataba.

Ab'e Kasese abaakosebwa ama...

ABANTU b'e Kasese abaakosebwa amataba olw'omugga Nyamwamba okwabika bakyalaajanira gavumenti okubayamba waakiri...

 Abdallah Mubiru ng'ayogerako n'abazannyi be

Mubiru atendeka Police FC a...

OMUTENDESI wa Police FC, Abdallah Mubiru, aweze nga sizoni ejja bw’alina okulaba nga ttiimu ye evuganya ku bikopo....