TOP
  • Home
  • Agawano
  • Katikkiro aweze okufafaagana n'abaatutte Kabaka mu kkooti

Katikkiro aweze okufafaagana n'abaatutte Kabaka mu kkooti

Added 22nd August 2016

KATIKKIRO Charles Peter Mayiga aweze okufaafagana n’abantu abatandise okujolonga ekitiibwa nga Kabaka nga bamutwala mu kkooti ku nsonga z’okuwandiisa abantu ku ttaka nagamba nti tajja kubagumikkiriza.

 Katikkiro Charles Peter Mayiga aweze okufafaagana n'abo abaatwala Kabaka mu kkooti ku nsonga z'okuwandiisa abantu abali ku ttaka ly'Obwakabaka era n'avumirira ebikolwa bya poliisi omuli okutulugunya abantu wamu n'okutataganya emirimu gya kkooti. Yasinzidde mu Lutuula olusooka olw'olukiiko lwa Buganda olwa 24 e Bulange-Mmengo nga 22/8/2016.

Katikkiro Charles Peter Mayiga aweze okufafaagana n'abo abaatwala Kabaka mu kkooti ku nsonga z'okuwandiisa abantu abali ku ttaka ly'Obwakabaka era n'avumirira ebikolwa bya poliisi omuli okutulugunya abantu wamu n'okutataganya emirimu gya kkooti. Yasinzidde mu Lutuula olusooka olw'olukiiko lwa Buganda olwa 24 e Bulange-Mmengo nga 22/8/2016.

KATIKKIRO Charles Peter Mayiga aweze okufaafagana n’abantu abatandise okujolonga ekitiibwa nga Kabaka nga bamutwala mu kkooti ku nsonga z’okuwandiisa abantu ku ttaka nagamba nti tajja kubagumikkiriza.

Mayiga eyakangudde ku ddoboozi ng’akaatiriza ensonga eno yagambye nti “ Waliwo abatandise okutwesonsasonsaako nga batwala Kabaka mu kkooti nti talina kugaba liizi ku ttaka ly’Obwakabaka.

Eeh abange buli ttaka we liri terigabwako kyapa? Klezia erina ettaka egaba liizi n’abalala. Ye okugaba ekyapa nga kya liizi okukakasa obusenze bw’omuntu si kye kisingako. Bano tetujja kubatunuuliza kisa anti Omuganda agamba nti ennungu enkalirize ekisa,tewona.”

Bino abyogeredde mu Lutuula olusooka olw’Olukiiko  lwa Buganda olw’omulundi ogwa 24 olutudde e Bulange- Mmengo leero ku Mmande nga lubiriziddwa Nelson Kawalya.

Katikkiro okwogera bino kiddiridde Male Mabirizi ow’Ekkobe okuvaayo n’atwala Kabaka mu kkooti enkulu gye buvuddeko ng’agamba nti enkola y’okuwandiisa abantu abali ku ttaka ly’Obwakabaka, teri mu mateeka.

Katikkiro Mayiga yayongedde n’asaba ababaka ba Palamenti naddala abava mu Buganda okusimbira ekkuuli ennongoosereza mu tteeka ly’ettaka erya 1998, Gavumenti eya wakati ly’eyagala okukola n’agamba nti gavumenti okugamba nti eyagala okutwala ettaka ly’abantu erikolereko wamu n’okuliwa Bamusigansimbi nga tesoose kutegeragana nabo wadde okubasasula kikyamu.

 

More From The Author

Emboozi z’omuwandiisi endala

Emboozi endala

Bushira ng’akyali ne Dr. Ssebunnya. Ku ddyo, Kamya yasibye Bushira empeta ya nkusibiddaawo.

Bba wa Rema gwe yaleka afun...

OMUWALA Dr. Hamza Ssebunnya bba w’omuyimbi Rema Namakula gwe yalekawo ayanjudde omusajja omulala ne bamusoomooza...

Daddy Andre eyayanjuddwa Nina Rose. Ku ddyo ye muyimbi Katatumba

Angella Katatumba ali mu ki...

OMUYIMBI Angella Katatumba ali mu kiyongobero olwa muyimbi munne Nina Rose okutwala muninkini we, Daddy Andre n’amwanjula...

Abaserikale nga bakunya omusajja eyabadde n'emmundu.

Bamukutte n'emmundu mu luki...

POLIISI ekutte omusajja eyabadde n’abawagizi ba Joe Biden n’emmundu ejjudde amasasi okumpi n’olukuggaana lwa Pulezidenti...

Dokita ng'agema omwana polio.

Polio taggwangayo - Dokita

GAVUMENTI erabudde Bannayuganda ku bulwadde bwa polio ne balagirwa obutabugayaalirira bayongere okutwala abaana...

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...