ABASUUBUZI mu katale e Masaka bakedde kwekalakaasa ne baziga oluguudo lwa Elgin Street.
Bakulembeddwa sentebe w;abasuubuzi Betty Nakayiza nga batuusa okwemulugunya kwabwe eri abakulira ekibuga Masaka abagaanye okugoba ababavuganya ku nguudo.
Balumiriza nti waliwo bannabwe abatundira amatooke ku kkubo ebweru w’akatale n’okuliraana Omuzikiti abalemesa abaguzi okuyingira munda mu katale so nga bo abali munda mu katale bapangisa emidaala n’okusasula emisolo.
Poliisi ng’ekulemberwa Johncristom Mwaule ebakkakkanyizza.
