TOP
  • Home
  • Amawulire
  • Lukululana ekoonye enju mu kiro nga famire yeebase

Lukululana ekoonye enju mu kiro nga famire yeebase

Added 14th December 2016

Lukululana nnamba UAD 379Q ebadde etisse ebyuma ng’ebiggya Rwanda ebitwala Kampala y’ewabye n’eyingirira ennyumba ya Steven Ssegirinya omutuuze ku Bikondo e Mpigi.

 Abaserikale nga bekkaanya enju eyakooneddwa e Mpigi ku Bikondo

Abaserikale nga bekkaanya enju eyakooneddwa e Mpigi ku Bikondo

Bya PADDY BUKENYA

LUKULULANA ebadde eva e Rwanda eremeredde omugoba waayo n’eyingirira ennyumba e Mpigi okukkakkana ng’esse omwana omu, abalala mukaaga ne baddusibwa mu ddwaaliro nga bataawa.

Lukululana nnamba UAD 379Q ebadde etisse ebyuma ng’ebiggya Rwanda ebitwala Kampala y’ewabye n’eyingirira ennyumba ya Steven Ssegirinya omutuuze ku Bikondo e Mpigi.

Afudde ye Shatrah Nansubuga, 4 muwala wa Patrick Mutatwala ate baganda be okuli; Brandon, 10 ne Mercy Nanjala, 12 baddusiddwa mu ddwaaliro lya gavumenti e Mpigi nga bataawa.

Maama w’abaana bano, Hasifah Nakiganda ne kondakita w’emmotoka eyakoze akabenje, Domolo Gasimbaye enzaalwa y’e Rwanda nabo baddusiddwa mu ddwaaliro lya Double Cure e Kalagala - Mpigi nga bafunye ebisago eby’amaanyi.

Nakiganda mu ddwaaliro lya Double Cure e Mpigi.

 

Akabenje kano kaaguddewo ku ssaawa nga 8.00 ez’ekiro ekyakeesezza Olwokubiri era tekannategeerekeka kwe kaavudde.

Ddereeva wa lukululana yadduse. Poliisi y’ebidduka e Mpigi yatuuse mu kifo kino n’enoonya mu mafunfugu okulaba oba galimu abantu abalala abaabuliddemu.

Abatuuze baakitadde ku baddereeva b’ebimotoka ebinene abakozesa ebitamiiza nga enjaga.

Baasabye poliisi ebateekeko amaanyi okutangira obubenje bwa mmotoka ennene ezisusse okuyingirira amayumba ku lw’e Masaka.

More From The Author

Emboozi z’omuwandiisi endala

Emboozi endala

SPC Faizal Katende.

SPC Faizal Katende eyakwati...

OFIISA wa poliisi SPC Faizal Katende asabye kkooti emukkirize okuyimbulwa ku kakalu ka`ayo. Bino Ssentebe wa kkooti...

Ssentebe Sserwanga (alina enkumbi) ng'atema evvuunike ly'okuzimba eddwaaliro.

Gavumenti ewadde ab'e Kayun...

GAVUMENTI ewadde ab’e Kayunga obukadde bw’ensimbi 600 okugaziya eddwaaliro lya Busaale mu ggombolola y’e Kayunga...

Ssaabadinkoni w'e Ndeeba mu Bugerere, Ven. Balamaze (akutte akazindaalo) ng'atuuza Rev. Ssendege (ku ddyo).

Bannaddiini mubuulire enjir...

SSAABADINKONI w’e Ndeeba mu Bugerere, Ven. Edward Balamaze akuutidde Bannaddiini babuulire enjiri ekumakuma abantu...

Sserwadda n'ekifaananyi kya Ssengendo.

Omuyizi eyabuze atadde abaz...

Omuvubuka ow’emyaka 17 eyavudde e Mukono okunona densite ye ku ssomero n’abulira mu kkubo atadde bazadde be ku...

Wanyoto (atudde) n'abamu ku balooya be.

Munna NRM Wanyoto akubye ak...

Munna NRM eyawangulwa ku kifo ky’omubaka omukyala owa Mbale City, Lydia Wanyoto addukidde mu kkooti Enkulu e Mbale...