TOP

Poliisi ekubye omusuubuzi essasi n'afa

Added 21st December 2016

POLIISI ekubye omusuubuzi amasasi agamusse bw’ebadde etaasa omubbi aleme kuttibwa bantu ku luguudo lwa Nasser mu Kampala.

 Omwogezi wa poliisi mu Kampala n’emiriraano, Emilian Kayima

Omwogezi wa poliisi mu Kampala n’emiriraano, Emilian Kayima

POLIISI ekubye omusuubuzi amasasi agamusse bw’ebadde etaasa omubbi aleme kuttibwa bantu ku luguudo lwa Nasser mu Kampala.

Lawrence Semujju, 24 omutuuze mu Wansanso Zooni e Kibuye, abadde akuba bitabo ku luguudo lwa Nasser mu Kampala nga kigambibwa nti yayimiridde ku mmotoka okumpi n’edduuka lye okulaba omubbi Joseph Sekitto ow’e Kasubi gwe baabadde bakuba emiggo oluvannyuma lw’okuyingira mu dduuka n’abbamu laptop ku ssaawa 3.00 ez’oku makya ku Lwokubiri.

Omwogezi wa poliisi mu Kampala n’emiriraano, Emilian Kayima yategeezezza nti poliisi yayitiddwa nga waliwo omubbi anyaze laptop mu dduuka ku luguudo lwa Nasser nga bamukuba emiggo.

Agamba nti abaabadde bamukuba baabadde bamaliridde okumutta ate poliisi eyazze okutaasa embeera ne bagikuba amayinja!

Agamba nti, Poliisi mu kwetaasa, baawandagazza amasasi mu bbanga okugumbulula abasuubuzi wabula mu butanwa essasi ne likwata omusuubuzi Lawrence Semujju mu lubuto era yafiiridde mu ddwaaliro e Mulago.

Poliisi erabudde abantu okukomya okugisoomooza kubanga balina emmundu, ssinga abaserikale basunguwala, balina kwetaasa nga babaanukuza masasi.

Bagamba nti omuserikale yabadde yeetaasa kyokka essasi ne likwatamu omuntu mu butanwa.

More From The Author

Emboozi z’omuwandiisi endala

Emboozi endala

DERRICK ORONE naye alaze by...

Yawangudde eky'omubaka wa Gogonyo mu disitulikiti y'e Pallisa. Aludde mu nsiike y'okuyimba era abaddeko maneja...

GEOFFREY LUTAAYA alaze byat...

GEOFFREY LUTAAYA Sisobola kuva mu kuyimba kuba kwe kunfudde Lutaaya ensi gw'emanyi naye olw'obuvunaanyizibwa kati...

Ebyakwasizza Dr Lulume mu k...

OMUBAKA wa Buikwe South eyaakalondebwa Dr. Lulume Bayiga n'abantu abalala mwenda baakwatiddwa poliisi y'e Nyenga...

'Siri mwangu buli ankubyeek...

EYAGAANYE okusasula ssente z'entambula bamutabukidde ne bamwambula ne bamutwala ku poliisi gye yeekoledde obusolo...

Ssaabasumba asabye Gavument...

SAABASUMBA w'Essaza ekkulu erya Kampala Dr.Cyprian Kizito Lwanga awadde Pulezidenti Museveni amagezi okusoosowaza...