TOP

Fiizi zibuze eyafunye 4 mu PLE

Added 25th January 2017

Edison Tendo Kakebe yasomera mu ssomero lya mbaawo erya Rhema Junior School Migadde mu ggombolola y'e Gombe mu disitulikiti y'e Wakiso n'ebigezo bya PLE we yabituulidde n'afuna obubonero buna.

 Kakebe ng'akuba bbulooka. Emabega ye mwannyina Jovia Ndagire.

Kakebe ng'akuba bbulooka. Emabega ye mwannyina Jovia Ndagire.

Bya SAMUEL TEBUSEEKE

Edison Tendo Kakebe yasomera mu ssomero lya mbaawo erya Rhema Junior School Migadde mu ggombolola y'e Gombe mu disitulikiti y'e Wakiso n'ebigezo bya PLE we yabituulidde n'afuna obubonero buna.

Essomero lino ne ku kitundu baalikazaako 'Kabaawo' nga n'abaana basomera mu nfuufu.

Kitaawe w'omwana ono David Mubisi agamba nti, mutabani we yali tagenda kukola bibuuzo nga ssente 80,000/- eza fiizi zimubuze.

Agamba nti, omukulu w’essomero yamusalirako n'asasula 50,000/- kyokka nga nazo zaali zimubuze kubanga bbulooka ze yakuba yali abuliddwa enku ezizookya era kwe kusalawo okugamba omwana atuule awaka.

Ayongerako nti eky'okutuula awaka tekyasanyusa mwana ne basalawo okunoonya ettaka ku kyalo bakube bbulooka bafune 50,000/- ezaali zeetaagibwa ku fiizi.

Baafuna 30,000/- omwana n'addayo ku ssomero olwo kitaawe n'asigala ng'akuba bbulooka okufuna 20,000/- ezaali zisigaddeyo.

Mu kiseera kino yali esigaddeyo omwezi gumu okukola PLE.

Kakebe yategeezezza nti, mu kusooka yali aswala okukuba bbulooka olw’okutya banne okumuyeeya wabula kati takyabitya kubanga yakiraba nti mwavaamu ssente n'awona okutuula awaka.

Omulimu agukola ne bazadde be ne mwannyina asomba amazzi. Kakebe agamba nti, musanyufu olw’okuba nti yafunye obubonero 4 naye mweraliikirivu olw'okuba bazadde be tebalina ssente.

Desire Ssebuliba abadde omusomesa wa Kakebe yategeezezza nti omwana ono yava mu P3 ng'akola bulungi naye ng'atuuka kikeerezi ate nga bw'ayingira mu kibiina asumagira.

Ssebuliba agamba yamugamba nti, bakeera nnyo ne basooka bakuba bbulooka ne kitaawe nga banoonya fiizi.

More From The Author

Emboozi z’omuwandiisi endala

Emboozi endala

Omulimu gw'okuddaabiriza Nk...

Abaasomerako ku ssomero lya Nkumba P/S bayingidde omutendera ogw'okusatu mu kuddaabiriza ebizimbe ku ssomero lino...

UGANDA EKWATA KISOOKA MU AF...

OMUWANDIISI w'enkalakkkalira mu minisitule y'ebyobulamu Dr Diana Atwine abugaanye essanyu oluvanyuma lw'okufuna...

Joseph Nuwashaba ng'atwalibwa mu kkooti

Eyakwatibwa ku by'omwana ey...

Omusajja agambibwa okutemako omwana Faith Kyamagero ow'emyaka 4 omutwe aleeteddwa mu kkooti.

Omwana eyasalibwako omutwe ...

Omwana eyasalibwako omutwe e Masaka ne bagutwala ku Palamenti aziikiddwa

Ssebbumba eyakubiddwa lwa bubbi

Abadde mu jjaamu e Kawempe ...

Abadde mu jjaamu e Kawempe bamukubye mizibu