TOP

Sitampu etabudde olukiiko lw'ekyalo

Added 27th February 2017

Sitampu etabudde olukiiko l'ekyalo

 Abamu ku batuuze nga batabukidde mu lukiiko

Abamu ku batuuze nga batabukidde mu lukiiko

OLUKIIKO lw’ekyalo kye Masanafu Kinoonya  zooni olwayitiddwa okulaga abatuuze obukulembeze obw’ekiseera lusasise ng’entabwe evudde ku bamu ku batuuze kubuuza agenda okubeera ne sitampu.

Bino byonna okubaawo mu lukiiko olwatudde ku Ssande nga lwajjumbiddwa  abatuuze basoose kulagibwa akola nga Ssentebe w’ekyalo kino  Nalongo Grace Tamuzadde Ssande ng’ono yeyazze mu bigere bya Salongo George William Seguya eyafa  wiiki satu eziyise n'abalala baanaakola nabo ku lukiiko.

 

Nalongo Ssande yagambye nti Ssentebe Seguya ng'afudde sitampu  yatwalibwa RCC  Ntulume Bwabye wa Lubaga Mw Ntulume oluvannyuma n'ayita bonna abaali ku lukiiko ne basalawo nti yaba akola nga ssentebe okutuusa okulonda nga kulangiriddwa.

“ Batuuze banange RCC Ntulume Bwabye  yatuyita nga ensonga yonna yetololera ku kufuna bukulembeze kuba ssentebe waffe yafa  era bwetwatuula ne basalawo nti nze mba nkola nga ssentebe  okutuusa nga okulonda  kwabonna kutegekeddwa” Nalongo Ssande bwe yategezezza.

Wabula Nalongo Ssande yabadde yakamaliriza okwogera  omu ku batuuze Sepiriya Kabuuka nga obwedda y'akunga abatuuze okugenda mu lukiiko ng’akozesa ambulance y’omubaka Kasibante  yakutte akazindaalo n'ategeeza nga abalondeddwa nga bwe baliwo mu bukyamu nga wano yeyabadde ensimbuko y’okutabuka kw’olukiiko.

Kabuuka bwe yakutte akazindaalo yagambye nti abalagiddwa ekyalo nga abakulembeze baliwo mu bukyamu nga kkooti yabasazaamu nga bbo abatuuze beebalina okwelondera abakulembeze baabwe ekyawalirizizza omuwandiisi  Richard Ssonko okumulumba n'amusikako akazindaalo.

 

Embeera eno yawalirizza akulira poliisi ye Lugala Muzafaru Magumba okukwata akazindaalo n'ategeeza nga olukiiko bwaluyimirizza oluvannyuma lw’okukizuula nti abatuuze tebajja kusobola kuteesa n'alagira Kabuuka okuggyawo mmotoka y’emizindaalo n'abatuuze badde ewabwe .

Omubaka wa Lubaga North mu  paliamenti Moses Kasibante eyatuuse ng’olukiiko lwabuse yategeezezza nti abatuuze bwe baba tebamatidde b’ekubire enduulu ewa Meeya wa Lubaga Muky. Joyce Ssebuggwawo asobole kubalungamya kuba LC zonna mu kitundu kino ziri wansi we era nga mu kiseera kino balina okumanya alina sitampu.

Okusika omuguwa ku ani anakulembera ekyalo kino kwatandika nga Ssentebe Seguya yakafa  nga waliwo abaali baagala okubeeraa ne sitampu ekyawaliriza RCC  wa Lubaga  Ntulume Bwabye okugitwala okutuusa lwe yakwasiddwa Nalongo Ssande.

 

More From The Author

Emboozi z’omuwandiisi endala

Emboozi endala

Bakaluba Mukasa.

NUP ewangudde disitulikiti ...

EKIBIINA kya National Unity Platform (NUP) kyeyongedde okweriisa enkuuli mu kulonda kwa bassentebe ba disitulikiti...

Magogo (ku ddyo) ne Mbidde ku mukolo ogumu.

Magogo okusigala mu ntebe y...

PULEZIDENTI wa FUFA, Moses Magogo oluvannyuma lw'okuwangula akalulu k'omubaka wa Palamenti (Budiope East), asaanye...

Abazannyi ba Rugby Cranes, nga beeriga ne ttiimu ya Zimbabwe e Lugogo.

Aba rugby beesika emiwula l...

Bya SILVANO KIBUUKA Rugby Cranes etandise kaweeefube w'okulaba nga Uganda evuganya mu mizannyo gya Olympics omulundi...

Omuddo gwa Kafumbe nga bwe gufaanana.

Omuddo gwa kafumbe gugoba o...

ABAANA bwe bagenda bakula ne baweza emyaka nga 13 bafuna olusu abangi lwe bamanyi nga kaabuvubuka. Omwana ne bw'aba...

Omusumba Kisitu.

Omusumba w'Abasodookisi any...

Mu bantu abatenda ssennyiga omukambwe mwe muli Omusumba w'Abasodookisi Silvestros Kisitu atwala kitundu ky'e Gulu...