TOP
  • Home
  • Amawulire
  • Taata wa Jose Chameleon asitudde enkundi ku nfa ya AK47

Taata wa Jose Chameleon asitudde enkundi ku nfa ya AK47

Added 13th March 2017

Taata wa Jose Chameleon asitudde enkundi ku nfa ya AK47

 Gerrald Mayanja ng'akabiira omwana we AK47

Gerrald Mayanja ng'akabiira omwana we AK47

NGA March 16, famire ya Gerald Mayanja, emikwano n'abayimbi lwe bagenda okusabira eyali omuyimbi Ssaalongo Emmanuel Mulindwa Mayanja eyali amanyiddwa nga AK47 nga bajjukira emyaka ebiri bukya afa. Kitaawe w’omuyimbi ono asitudde buto, ayagala poliisi eddemu ekwate maneja Jeff Kiwa n’abalala b’alumiriza nti balina kye bamanyi ku nfa y’omwana we.

Ku ntandikwa ya wiiki eno, Mayanja yeesitudde n'alumba abaserikale abalina fayiro ye ku poliisi y'e Katwe n’alaga obutali bumativu era n’abagamba nti, yasaba Geoffrey Musana eyali amyuka dayirekita w'ekitongole ekinoonyereza ku misango e Kibuli fayiro ye eggyibwe ku poliisi y'e Kabalagala olw'engeri gye baali bagikuttemu etematiza bagizze e Katwe wabula nayo tannafuna kuyambibwa. AK47 yafiira mu kinaabiro nga March 16, 2015 ku bbaala ya Dejavu e Kansanga gye yali agenze.

 

Omulambo gwe gwasangibwa mu kitaba ky'omusaayi ng'agudde wansi mu kinaabiro we yakuba enkoona era mu kumuyoolayoola okumutwala mu ddwaaliro e Nsambya we baakizuulira nti gwe batwala afudde.

Kigambibwa nti, mu kinaabiro AK47 mwe yafiira, waliwo omuvubuka eyali asiimuula ayitibwa Mumbere eyalaba buli kyali kigenda mu maaso ne kanyama akuuma ku bbaala wabula AK47 bwe yamala okufa, Mumbere yabula ne gye buli eno taddangamu kulabika.

Poliisi y'e Kabalagala yakola okunoonyereza ku bbaala ya Dejavu eya Jeff Kiwanuka era n'emukwata kyokka oluvannyuma n'ayimbulwa nga fayiro tegenze mu kkooti ekyanyiiza kitaawe wa AK47 n'aba famire ye.

Mu bintu poliisi bye yazuula yalaga nti, Jeff Kiwa nga bwe bamuyita talina kakwate konna ku kufa kwa AK47 era wano poliisi y'e Katwe fayiro gye yasindikibwa we yasinziira okumuggya ku musangoWabula Mayanja yagambye nti mutabani we yamukolamu ekijjukizo ky'ejjinja eryasimbibwa ku malaalo n’eddala lye yateeka ku dduuka lye ku Zainab Aziza Emporium ku luguudo lw'e Ntebe.

 

Yagambye nti, kuno kw’alabira ekifaananyi kya mutabani we gwe yali asinga okukwatagana naye mu baana be bonna n’ategeeza nti, ayagala abeere naye obulamu bwe obusigadde ku nsi. Baddemu okunoonyereza Gerald Mayanja kitaawe w'omugenzi era ng'ono y'azaala Jose Chameleone, Pallaso, Weasel n'abalala yagambye nti, talina kubuusabuusa kwonna nti Jeff Kiwa alina by’asirikidde by’amanyi ku nfa ya AK47 era ng’okubyogera poliisi erina kumala kumukunya awatali lusaago.

Yagambye nti poliisi ezze evuluga fayiro y'omusango gw'okufa kwa mutabani we ng'ate buli kintu kye baanoonyerezaako kyali kisonga butereevu ku Jeff nannyini bbaala omwana mwe yafiira, naye baamuggya ku musango mu ngeri etategeerekeka.

Mayanja agamba nti, ku mulundi guno akoze enteekateeka ez’amaanyi okulaba nga Jeff addamu okukwatibwa kubanga akakasa nti bwe bamwezingako, amazima gaakuvaayo.

Yayongedde okulaga obutali bumativu n’alambulula nti: Tewali ngeri yonna gye bagamba nti omuntu yagwa wansi n'afa ng’ate lipooti eyasooka yalaga nti omusaayi gwali waggulu ku kisenge ne wansi ku ‘tayiro’ z’ekinaabiro era ng’obubonero bulaga nti omwana baasooka kumukoona ku kisenge, oluvannyuma ne bamuggunda ku ttaka.

Okupapa okwakozesebwa okusiimuula omusaayi ku kisenge, nako kabonero akalaga nti baali basaanyaawo bujulizi. Yagasseeko nti, omuntu ne bw’abeera atamidde atya, tasobola kukyuka n’agwa gy'abadde akunkumula, alina kugwa ng'atunudde mu maaso.

 NB                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                            

 

Muzeeyi Mayanja yagasseeko: Ekisenge okwali omusaayi, kyali mu mbiriizi z’ekifo we yali akunkumula ekiraga nti waliwo omuntu eyajja n'amukwata amataayi n'amukyusa n'alyoka amukuba omutwe ku kisenge awaasangibwa omusaayi, n’amuleka ku ttaka ng’abooyaana.

Yagambye nti amangu ddala nga AK47 afudde, Jeff yalagira abantu bonna okwamuka ebbaala era n’alemesa abo bonna abaali bagezaako okuyingira mu kinaabiro okwetegereza ekyabaddeyo.

Yalumirizza nti Jeff ye yapanga n’okubuzaawo omuvubuka Mumbere eyali omujulizi omukulu era eyasiimuula n’ekinaabiro awaafiira AK47. Beezinga ku Jeff ababuulire Mumbere gye yalaga, kyokka ng’abaanukula kimu nti tamanyi.

Baamubuuza omuvubuka gy’azaalwa n’abagamba nti tamanyi ate nga ye yamuwa omulimu gw’okulongoosa ebbaala gwe yakolanga.

FAY IRO TERA BIKAKO Nga Mayanja atuuse ku poliisi e Katwe, yagenze mu ofiisi ya Bitali Ssentamu akulira okunoonyereza ku buzzi bw'emisango mu bukiikaddyo bwa Kampala atuula ku poliisi y'e Katwe okubuuza ekigenda mu maaso ku fayiro ye n'okulaba engeri obujulizi obupya gye buyinza okugattibwa ku fayiro baddemu okukwata Jeff Kiwa.

Ssentamu yamwanirizza n'amuyitiramu omusango we guyimiridde kyokka bwe yalagidde fayiro ereetebwe alabe engeri gy'ayinza okuyambamu Mayanja, baanoonyezza fayiro n'ebula! Wabula Ssentamu yagambye nti, yasindikibwa ew'omuwaabi wa Gavumenti n'abawabula okunoonya Mumbere bamuggyeko sitaatimenti era fayiro awo we yakoma nga Mumbere abuze.

OMU JULIZI OMU KULU YADDU KIRA CON GO Bitali Ssentamu yategeezezza nti omuvubuka Mumbere we yabulira, baali bakyusizzaamu nga bamuggye ku ky’omujulizi omukulu, ng’afuuse omuvunaanibwa asookerwako.

Bateebereza nti yaddukira mu DR Congo n’agamba nti ekitongole ekikettera poliisi ekya 'Crime Intelligence' kikola butaweera okumukwata. Yagambye nti, bwe banaaba bakutte Mumbere, omusango gwakuttukizibwa era fayiro etambule.

Yayongeddeko nti, bwe baakwata Jeff, fayiro baagiweereza ew'omuwaabi wa Gavumenti n'abategeeza nti balina okunoonya obujulizi obw’enkukunala okusobola okumuteeka ku musango era olw’okuba tebaabulina mu kiseera ekyo, baasalawo ayimbulwe ku kakalu ka poliisi nga bwe bongera okunoonyereza.

Wabula ensonda ku poliisi e Katwe zaategeezezza nti waliwo abantu abaawa poliisi amawulire abaabategeeza nti, Mumbere atera okusala ensalo n'ayingira Uganda era batera okumulabako mu bitundu bya Bundibugyo ku kyalo gy’azaalwa kyokka poliisi tefangayo kussaamu maanyi kumukwata.

 

JEFF KIWA MU GUMU Jeff Kiwa kitaawe wa AK47 gw'asinze okwesibako era gw’ayagala okuddamu akwatibwe bwe yatuukiriddwa yategeezezza nti ye tayogera na bannamawulire n'ajuliza looya we Kagolo gwe yakwasa ensonga ezo.

Bwe twatuukiridde Robert Friday Kagolo okuva mu Muwema & Co. Advocates awolereza Jeff, yagambye nti, Mayanja ne famire ye bwe baba balina obujulizi obupya babutwale ku poliisi erabe oba bulimu akanigguusa. Kagolo yagambye nti: Poliisi yamukwata n'emuyimbula nga tebalina bujulizi bumuluma ku musango gwe baali bamuvunaana. Bwe baba balina obujulizi obulala poliisi eddemu ekwate Jeff ajja kwewozaako.

Yagasseeko nti bino Mayanja by’alimu bya kubamalira budde kubanga omuntu we talina kakwate konna ku kufa kwa AK47 wadde nga yafiira ku bbaala ye.

ENNYUM BA YE KYAN GAA LA

Nga wayise ebbanga nga AK47 bamaze okumuziika, Nnamwandu Nnaalongo Margie Kiweesi yakwata abalongo ne bagenda e Bungereza gye babeera kati era abaana okusinziira ku Mayanja, bakuze era bali bulungi.

Yagasseeko nti, yasobola okumaliriza ennyumba mutabani we gye yali azimba e Sseguku Katale okuliraana amaka ge wabula tebannaba kusalawo kya kugikolera era ku ssaawa eno, teriimu muntu agibeeramu yasigalawo kyangaala wadde nga bagirongoosa.

OKUJJUKIRA AK47 Mayanja yagambye nti, bateeseeteese okusaba ku Klezia y'e Naluggi mu Mityana okujjukira nga bwe giweze emyaka ebiri okuva AK47 lwe yafa mu ngeri eyaleka ebibuuzo ebingi. Yagambye nti mmisa ejja kutandika ku ssaawa 7:00 ez'emisana era kino baakikoze kubanga omugenzi yali muntu ayagala ennyo Katonda we n'ekyalo gy'azaalibwa.

MIKWANO GYA AK47 BOO GEDDE Eva Namulondo: Muzeeyi Mayanja bw’aba azuukusa omusango guno mutuufu nnyo era mmuwagira. Kubanga n'okutuusa kati tetumanyi ani yatta mukwano gwaffe AK47, omulenzi omuto ataabeeranga mu ntalo ng’abayimbi abalala.

AK47 yali mukwano gwange nnyo kuba yali mulenzi wa mpisa okwawukanako ku baganda be abalala. Ful Figure: Muzeeyi Mayanja mukyamu era simusemba kuttukiza musango guno. Omugenzi bamuleke awummule mirembe!

More From The Author

Emboozi z’omuwandiisi endala

Emboozi endala

Walukagga ne muwala we e Maya.

Omuyimbi Walukagga awonye o...

Omuyimbi Mathias Walukagga alula. Ku Mmande, Walukagga yasiibye ku kitebe kya poliisi e Bukoto ekya Crime Intelligence...

Fr. Mugisha

Faaza w'e Masaka ayongedde ...

FAAZA Richard Mugisha eyagugumbula abanene mu Gavumenti nga bw'awaana Bobi Wine azzeemu okuta akaka n'alabula...

Omubaka Allan Ssewanyana ng'awayaamu ne bannamateeka be.

Omubaka Ssewanyana ayimbuddwa

OMULAMUZI wa kkooti y'e Makindye Jude Okumu ayimbudde omubaka wa Makindye West, Allan Ssewanyana n'abawagizi be...

Omugenzi Takia Namijumbi.

Eyali RDC w'e Mityana afudde

HAJATI Takia Namijumbi eyaliko omubaka wa Pulezidenti (RDC) e Mityana n'e Mpigi afudde enkya ya leero. Waafiiridde...

Omugenzi Omulangira Jjuuko

Eyali ssentebe w'omu Kiseny...

OKUZIIKA kw'Omulangira Jjuuko Mutebi abadde ssentebe wa NRM mu Muzaana zzooni mu Kisenyi mu Kampala era eyaliko...