TOP

Omusamize akaligiddwa emyaka 45

Added 17th March 2017

Omusamize akaligiddwa emyaka 45

 Steven wasswa omusamize eyabuzaawo omwana ono gye buvuddeko ng'ali mu kaguli e Masaka

Steven wasswa omusamize eyabuzaawo omwana ono gye buvuddeko ng'ali mu kaguli e Masaka

Bya Phiona Nannyomo

KYADDAAKI omulamuzi wa kkooti enkulu e Masaka John Eudesi Keitirima asingisizza omusamize omusango era bwatyo n'amukaliga emyaka 45 mu nkomyo.

Steven Wasswa 62 yakiguddeko bwasingisiddwa omusango gw’okubuzaawo omwana Resty Nakirijja Hope n'ekigendererwa eky’okumusaddaaka mu mwaka gwa 2008.

Omusamize Wasswa okusingisibwa omusango guno kiddiridde abajulizi abawerako okuvaayo ne bamulumirizza nga bwe yalina kyamanyi ku kubuzibwawo kwa Nakirijja olw’ebigambo eby’obusaggwa byeyawandanga.

Okusinziira ku bujulirizi obwaleetebwa mu kkooti eno ,omulamuzi Keitirima kwasinzidde n'asindika mu nkomyo amaleyo emyaka 45 era n'ategeeza nga Wasswa bwatasaanye ku beera mu bantu nga Uganda ekyagenda mu maaso n’okulwanyisa ekisaaddaka baana.

Abantu beeyiye mu kkooti eno era bafulumye nga bebazza omulamuzi Keitirima engeri gyasazemu omusango guno era nebasaba abalamuzi wamu n’ebitongole ebikuma ddembe okubayambako ku basamizze abasusse okwerigisa nga ekigota entula nga basanyawo obulamu bw’abaana babwe mu ngeri y’ekyeyononere.

Kinajjukirwa nti Resty Nakirijja yabuzibwawo nga wa myaka 2 nga 9/06/2008 era naddamu okuzuulibwa nga asuuliddwa mu kisaka kyo  ku kyalo njagala kasaayi mu ggombolola ye kiseeka mu disitulikiti ye Lwengo oluvannyuma lw’omwaka mulamba.

Omwana ono bwe yamala okubuzibwawo bwatyo Wasswa naye n'abula ku kyalo wabula n'asigala nga awereeza obubaka obwenjawulo eri bazadde ba Nakirijja obw'obusagwa ku mwana waabwe

More From The Author

Emboozi z’omuwandiisi endala

Emboozi endala

Abakungubazi nga bayingira mu kkanisa e Kawaala.

Bazirise nga batuusa omulam...

EBIWOOBE n’emiranga byabuutikidde ekkanisa ya Revival Church e Kawaala ng’omulambo gw’abadde agisumba, Pasita Augustine...

Kabaaya ne ofiisa wa poliis...

POLIISI ng’eri wamu n’ekitongole ekirwanyisa obuli bw’enguzi mu maka g’obwapulezidenti ekikulirwa Lt. Col. Edith...

Pulezidenti Magufuli

Bawakanyizza obuwanguzi bwa...

Mu kiseera kino ng’ensi eri ku bunkenke olwa Corona era nga n’amawanga mangi gakyali mu muggalo, Magufuli yagaana...

Israel etenderezza Museveni...

EGGWANGA lya Israel litenderezza Pulezidenti Museveni olw’okuba omusaale mu kubatabaganya ne Sudan bwe baludde...

Badayirekita ba KCCA babiri...

YINGINIYA Andrew Mubiru Kitaka alekulidde emirimu gy’abadde akola mu kitongole kya KCCA. Ono nga y’abadde avunaanyizibwa...