TOP
  • Home
  • Amawulire
  • Famire y'abantu 9 esimattuse okufiira mu kabenje akasaanyizzaawo ennyumba

Famire y'abantu 9 esimattuse okufiira mu kabenje akasaanyizzaawo ennyumba

Added 17th March 2017

Famire y'abantu 9 esimattuse okufiira mu kabenje akasaanyizzaawo ennyumba

Lukululana esaanyizzaawo ennyumba ku ludda e Mbarara

Lukululana esaanyizzaawo ennyumba ku ludda e Mbarara

Bya Florence Tumupende

Akabenje kagudde ku luguudo oluva e Masaka okudda e Mbarara ku kyalo Kyoko mu ggombolola y’e Kisekka mu disitulikiti ey’e Lwengo okuliraana okumpi ddala n'awaakagwa akabenje akafiiramu abantu abana ku ntandikwa y'omwezi guno.

Ddereeva wa lukululana nnamba ZE3499T yeekanze emmotoka bbiri ezibadde ziva e Mbarara bw'abadde ng'emu ebadde egezaako okumuyisa lukululana n'emulemerera okukakkana ng'ewabye n'eyingira ennyumba yonna n'esaana wo.

 

Akabenje kagudewo ku ssaawa 4:00 ez’ekiro ekikeesezza olunnaku
olwaleero,wabula abaduukirize mu kifo ky’okutaasa ebintu munnyumba basazeewo ku bibba nga n’ekyewunyisa ebyayatiseyatise nabyo babitute okubitunda mu byuma ebikadde.

Mu kiseera akabenje we kagwiiriddewo bannyini nnyumba tebaabaddemu nga baabadde bagenze ku suzaako munnaabwe eyafiriddwa ate abaana abato nga balekeddwa ewa mulirwana waabwe nga babatiisa okubaleka munnyumba bokka.

Ababadde basula mu nnyumba eno kuliko Charles Bbanga 71,Mary Bbanga 67,Lawrence Katumba 49,Mike Lubega 40,Teddy Nakyaze 71,Charles Muwonge 17,Recheal Nandawula 12 Dennis Oliyema 10 ne Togi Oliyema 13.

Ebintu ebyagoyezeddwa kuliko ekiyungu ennyumba  ne kalonda abeera awaka omuli emifaliso amasefuliya,ebitanda ebidomola,entebe nga kw'ogatta ebirime ebyagoyezeddwa omuli
emmwaanyi,ebijanjaalo,muwogo,kasooli n’ebitooke.

 

Bano boolekedde enjala ani amuwadde akatebe olw’ebirime byabwe
okusanawo nga kwotadde okweralikirira abatemu abayinza okubatuusaako obulabe olw’okukimanyako nti kati basula wabweru.

Balaajanidde Gavumenti n’abazira kisa abasobola okubadduukirira
baveeyo ku mulanga gwa bwe kye bagambye nti n’abaana boolekedde okubaggyamu mu masomero kuba ebirime mwe babadde baggya akasente bya goyezeddwa nga n’ebikozesebwa omuli ebitabo ne yunifomu ababbi babitute.

Ye dereeva wa tuleera Hassana Swaleh yalabiddwako ng’akuba amasimu ag’okumukumu ssaako okwewala kamera za Bukedde .
Akulira ebidduka ku nguudo mu disitulikiti y’e Lwengo Asp Reinhold
Rwakirenzi akakasiza akabenje kano nga bwe kaavudde ku bagoba ba mmotoka  abaabadde bavugisa ekimama n’okuyisiza awatakirizibwa nga mu kiseera kino poliisi etandise omuyiggo gw’okubanoonya bavunanibwe.
 

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...