TOP
  • Home
  • Amawulire
  • Kkooti eragidde bakwate omwana alumiriza Bp. Makumbi okusobyako

Kkooti eragidde bakwate omwana alumiriza Bp. Makumbi okusobyako

Added 5th April 2017

OMULAMUZI wa kkooti y'e Kajjansi alagidde bakwate omwana alumiriza Bisopu Makumbi okumusobyako era ne nnyina akwatibwe ng’abalanga obutaba mu kkooti ng’asoma fayiro yaabwe.

 Bishop Makumbi ku kkono ate ku ddyo ye mwana agamba okukakibwa omukwano

Bishop Makumbi ku kkono ate ku ddyo ye mwana agamba okukakibwa omukwano

Kinajjukirwa nti poliisi y'e Kajjansi ng’ekulembeddwaamu akulira abanoonyereza ku misango, Richard Mwijukye oluvannyuma baggula omusango ku Peace Nanangwe ne muwala we nga bagamba nti baabawa amawulire ag'obulimba ne bawaayiriza musajja wa Katonda era ne batwalibwa mu kkomera.

Omulamuzi Hope Bagyenda okuwa ekiragiro kino, kyaddiridde kkooti okusoma omusango gwabwe entuula bbiri nga tebabeeramu mu kkooti.

Omulundi ogwasooka, abawawaabirwa baatuuka kikeerezi ne basanga ng’omulamuzi amaze okusoma fayiro yaabwe.

Ne ku mulundi guno, Nanangwe yagenze okutuuka nga fayiro ye emaze okusomebwa! Wabula omwana teyaleeteddwa mu kkooti, ekyalese abantu nga beebuuza ekimulemesezza.

Nanangwe yategeezezza nti omwana yamukwasa poliisi erwanirira eddembe ly’abantu kubanga waliwo abaagezaako okumuwamba nga baagala okubuza bujulizi wabula naye teyategedde nsonga yabagaanyi kumuleeta mu kkooti.

Newankubadde Nanangwe yasanze omulamuzi amaze okuyisa ekiragiro ekimukwata n'omwana we, kkooti olwawedde yagenze nga tewali amukutte.

Omulamuzi we yasomedde fayiro eno, ne balooya ba Bisopu Makumbi baabadde tebannatuuka mu kkooti.

More From The Author

Emboozi z’omuwandiisi endala

Emboozi endala

Abavunaanibwa nga bali mu kkooti

Abagambibwa okubba ettaka l...

ABAGAMBIBWA okukozesa olukujjukujju ne bafuna ebyapa ku ttaka ly'omukulembeze w'eggwanga basimbiddwa mu kkooti...

Bbebi gwe baasudde mu ddwaaliro

Omusajja acankalanyizza edd...

OMUSAJJA acankalanyizza eddwaliro bw'atutte bbebi n'amusuulira abasawo nga abalumiriza obutakozesa bukugu ekyaviirako...

UNRA bataddewo amaato okuso...

ABATUUZE mu ggombolola y'e Galiraaya mu disitulikiti y'e Kayunga ababadde batakyasobola kutambula olw’oluguudo...

Mmeeya Balimwezo ng’ayogera n’abamu ku basuubuzi b’omu katale k’e Nakawa.

Kaabuyonjo y'akatale k'e Na...

EYALOGA omugagga Haruna Ssentongo tannassa mbugo! Anti bamututte mu kkooti nga bbanka ya Orient emubanja obuwumbi...

Maj. Kakooza Mutale asuze k...

MAJ Roland Kakooza Mutale n’ekibinja ky'abajaasi be Basuze ku malaalo ga Kasirye Ggwanga nga bamukungubagira nebamutendereza...