TOP

Crime Preventer asimattuse okuttibwa e Kalungu

Added 5th April 2017

Crime Preventer asimattuse okuttibwa e Kalungu

 Poliisi ng'egezaako okutaasa omuyambi waayo ku bantu abaabadde bataamye obugo

Poliisi ng'egezaako okutaasa omuyambi waayo ku bantu abaabadde bataamye obugo

POLIISI mu kabuga k'e Lukaya mu Kalungu yasanze akaseera akazibu okutaasa omusajja ku batuuze abaabadde baagala okumutta nga bamulumiriza okubba emifaliso ebiri emipya.

Muhammad Bwemale y'omu ku baatendekebwa okuyambako poliisi mu kutangira obumenyi bw'amateeka abakazibwako erya Crime Preventer nga mutuuze  w'e Kawanda mu Juma Ward.

Bwemale yassizza ekikoowe ng'atuusiddwa ku polisi n'alaba
ng'obulamu bwe buvudde magombe oluvannyuma lw'ebbiina ly'abatuuze eryamukubye emiggo n'amayinza okujula okumutta. 

Abatuuze abataamye okukira enjuki bakira  tebawulira kubwatuka kw'amasasi ng'eno bwe bayiikira abapoliisi
okubaggyako Bwemale bamwekolereko.

Bakira poliisi emuddusa ng'eyambibwako nnanyini kubbibwa Sayid
Ssekyaya ng'eno bwe bagiwerekereza amayinja n'abandi okugirumba ne bamuwuttula.

Muhammad Bwemale eyasimattuse okuttibwa

 

Gye byaggweredde ng'aba poliisi abasooseewo begattiddwako bannaabwe ababakubyemu ttiyagaasi eyagumbuludde abantu ne basobola okutuusa Bwemale mu kaddukulu.

Oluvannyuma yaggyiddwamu n'atwalibwa mu ddwaliiro e Masaka
ng'akuumibwa abasirikale nga bw'annawonamu alyoke agasimbagane n'emisongo gy'okumenya enju n'okubba egiri ku fayiro nnamba Sd Ref 09/O4/04/2017.

Ssekyaya yalumiriza Bwemale nti ye yabakulembeddemu n'abatwala mu kazigo mwe y'abadde yakwese emifaliso gino kyokka emitwalo gye 18 zo tezaalabise.

More From The Author

Emboozi z’omuwandiisi endala

Emboozi endala

Kabaka tebagenda kumukongoj...

KABAKA Mutebi II si wakukongojjebwa ng’Obuganda bukuza amatikkira ge ag’omulundi ogwa 27 olw’okutya okusasanya...

Ow'emifumbi eyagobeddwa mu ...

OMUZANNYI w’emifumbi Geoffrey Lubega eyagobeddwa mu nyumba olw’okulemererwa okusasula ensimbi z’obupangisa adduukiriddwa....

Empaka za FEASSSA zisaziddw...

OMUKISA gwa Uganda okulwanirira okweddiza ekikopo ky’emizannyo gy’amasomero ga ssiniya ag’obuvanjuba bw’Afrika...

Nankabirwa ng'asanyusa bato banne

Omuyimbi muzibe asaba kuvuj...

BYA SOPHIE NALULE Angel Nankabirwa ow'emyaka 12 bw'omuwulira ng'ayimba ku muzindaalo odduka mbiro otere esange...

Kabineeti eteesezza okuggul...

KABINEETI eggulo yateesezza ku kuggulawo akeedi n’ebirina okussibwa mu nkola nga ziggulwawo.