TOP
  • Home
  • Amawulire
  • Ababbye ebyuma ebikola enguudo Poliisi ebibasuuzizza

Ababbye ebyuma ebikola enguudo Poliisi ebibasuuzizza

Added 26th April 2017

Ebabbye ebyuma ebikola enguudo Poliisi ebibasuuzizza

 Abakwatiddwa nga bali ku poliisi y'omu Lubigi

Abakwatiddwa nga bali ku poliisi y'omu Lubigi

POLIISI ya Lubigi mu Nansana ekutte n'eggalira abasajja bataano b'ekutte n’ebyuma ebikola oluguudo lwa Northern Bypass mu kiro ekikeesezza olwaleero.

Ababbi bano bakwatiddwa ku ssaawa mwenda ogw’ekiro mu kifo kampuni ya Motel Engil weetereka ebyuma by'ekozesa mu kukola oluguudo mu bitundu bya Namugoona ne Masanafu nga bano beekobaanye n'abamu ku bakuumi abakuuma ekifo kino abakola ne kampuni ya G4S.

Bano okukwatibwa kiddiridde omu ku bakuumi nga ye Joseph Opio okwetegereza ennyo abantu ababadde ne mmotoka ekika kya Townace nnamba UAW O62X ne boda boda nnamba UDS 728L nga bateeka emitayimbwa ku mmotoka wabula nga bakikola mu bubba era wano weyatemerezza ku poliisi ya Lubigi okusobola okutaasa embeera.

 

Poliisi ya Lubigi ng’ekulembeddwamu  ASP Godfrey Manirakiza,asitukiddemu ne basajja be batuuka mu kifo kino  okulaba embeera era wano weyakwatidde abasajja bataano abaabadde batikka emitayimbwa ku mmotoka nga kuliko n’omukuumi omu wabula omukuumi omulala eyabadde nabo yesimatudde n'adduka nga kati akyayiggibwa poliisi.

Kigambibwa nti okuva oluguudo lwa Northern Bypass lutandika okukolebwa mu bitundu bya Namugoona ne Masanafu,ababbi b’amafuta emitayimbwa ssaako n'ebyuma ebirala ebikola oluguudo,beeyongera obungi mu kifo kino era eby’okwerinda ne binywezebwa okusobola okukuuma ebyuma ebikola oluguudo.

 

Abakwatiddwa kuliko David Kalungi,Siraje Mukakalukanyi,Simon Katumba,Saul Ochieng  ne Nobert Andana nga bano bakuumibwa ku poliisi ya Lubigi webanajjibwa batwalibwe mu kkooti bawerennembe n’omusango gw’okubba ebintu bya gavumenti.

 

More From The Author

Emboozi z’omuwandiisi endala

Emboozi endala

Harold Kaija

Omukunzi wa FDC attiddwa mu...

AKULIRA okukunga abantu mu kibiina kya FDC mu disitulikiti y'e Lyantonde bamusse ne kireka ebibuuzo ku bigendererwa...

Minisita Namugwanya (mu kyenvu) n’omubaka Hussein (ku kkono) n’abamu ku bakulembeze abaalondeddwa.

Gavt. erondesezza akakiiko ...

GAVUMENTI erondesezza akakiiko ak'ekiseera ka bantu bataano mu St. Balikuddembe kagiyambeko okuddukanya akatale...

Amaka ga Kasango (mu katono) e Butabika mu munisipaali y’e Nakawa.

Obukama bwa Tooro buyingidd...

OLUVANNYUMA lwa ffamire okulemererwa okutuuka ku kukkaanya ku by'okuziika munnamateeka Bob Kasango eyafiira mu...

Florence Nabakooza bba Shafique Wangoli yakwatiddwa ng’ali lubuto.

Abaabulwako abaabwe olukala...

ABANTU abaabulwako abaabwe tebamatidde n'olukalala minisita w'ensonga z'omunda mu ggwanga Gen. Jeje Odong lwe yayajulidde...

Ku kkono; Hope Kitwiine, Mildref Tuhaise, Mercy Kainobwisho, Patience Rubagumya, Connie Kekihembo, Agnes Nandutu ne Irene Irumba.

Abakyala balaze ebirungi by...

ABAKYALA abali mu bifo by'obukulembeze mu by'obusuubuzi balaze okusomoozebwa abakazi kwe bayiseemu olwa corona...