TOP
  • Home
  • Amawulire
  • Omulamuzi asindise omuwandiisi w'ebyapa mu kkomera lwa kubalaatira mu kakiiko

Omulamuzi asindise omuwandiisi w'ebyapa mu kkomera lwa kubalaatira mu kakiiko

Added 24th June 2017

Yayanukudde abalaata ng’agamba nti ye bwe yeetegereza empapula ze baamuwa teyazirabamu buzimu.

 Royera olwasoose mu kakiiko.

Royera olwasoose mu kakiiko.

Bya BENJAMIN SSEBAGGALA ne ALICE NAMUTEBI
 
OMULAMUZI Catherine Bamugemereire akulira akakiiko akabuuliriza ku mivuyo egyetobese mu ttaka akambuwadde n’alagira poliisi okukwata eggalire omuwandiisi w’ebyapa, Atalo Royera lwakugaba byapa mu lutobazzi n’okwanukula ebibuuzo ng’alengezza akakiiko.
 
Yasoose kumubuuza oba yasoma amateeka okusinziira ku ngeri gye yabadde ayanukula, yazzeemu n’amubuuza lwaki yagaba ekyapa ku bulooka 170 poloti 667 Kyaddondo ng’ate ebiwandiiko byali bimaze okulaga nti ettaka kw’agaba ekyapa lya lutobazzi.
 
Royera ng’atwalibwa mu kadduukulu.

 

Yayanukudde abalaata ng’agamba nti ye bwe yeetegereza empapula ze baamuwa teyazirabamu buzimu.
 
Omulamuzi yayongedde okumubuuza nti ettaka lino lyasabibwa abantu ab’enjawulo okwali Moses Mubiru Balwana ne Brian Kasule eyafa nga bali mu kugoba ku byapa.
 
Lwaki Kasule bwe yafa ate ebyapa ebyali mu mannyage baabikysa okubissa mu mannya g’abantu abalala!
 
Atalo yayanukudde nti ye yagabako ekyapa kimu ebisigadde byagabibwa balala nga poloti 684 ku bulooka 170 kyagabibwa Emmanuel Bamwite nga kati akolera mu ofiisi y’ebyapa e Wakiso.
 
Omulamuzi yalabudde Atalo nti kubanga yakimanya nti by’akola birimu emivuyo kyokka n’agenda mu maaso n’okugaba ebyapa. Yeetonze ku ngeri gye yabadde ayanukulamu akakiiko omulamuzi bwe yayongedde okumubuuza ebibuuzo n’abalaata kwe kulagira bamuggalire ku poliisi e Wandegeya.
 
Atalo yeeyanjudde ng’omuwandiisi w’ebyapa mu minisitule y’ebyettaka.
 
Ettaka eryamuzaalidde akabasa lya lutobazi olusangibwa e Kijabijo ku ludda lw’e Gayaza nga baaligabako ebyapa ebiwera mu mankwetu ng’abantu babulijjo beekobaana n’abakungu b’ebyettaka e Wakiso ne Kampala.

More From The Author

Emboozi z’omuwandiisi endala

Emboozi endala

Nakitto maama wa Amos Ssegawa (mu katono) eyattibwa.

Gavumenti etuliyirire obuwu...

BAZADDE b'abaana abattibwa bagamba nti ekya Museveni okubaliyirira si kibi bakirindiridde naye alina okukimaanya...

Ssendagire omu ku baakubwa amasasi n'afa.

Famire z'abattiddwa mu kwek...

PULEZIDENTI Museveni yayogedde eri eggwanga ku kwekalakaasa okwaliwo nga November 18 ne 19 nga kwaddirira okukwata...

Pulezidenti Museveni ng'alamusa ku bantu be.

Pulezidenti akunze aba NRM ...

Pulezidenti Museveni ayingide mu bitundu by'e Busoga olwaleero mu kukuba kampeyini ze ezobwapulezidenti . Mu...

Abakuumaddembe nga batwala omulambo gw'omukazi eyattiddwa.

Ab'e Nansana beeraliikirivu...

Abatuuze b'e Nansana beeraliikirivu olw'abantu abazze bawambibwa ate oluvannyuma ne basanga nga battiddwa mu bukambwe....

Bebe Cool.

Bebe Cool alabudde Nubian L...

Bebe Cool alabudde omuyimbi Nubian Lee ne Pulodyusa Dan Magic n'abasaba okukomya okwenyigira mu bikolwa ebisoomooza...