TOP

Abaasimye entaana ya Kakoma babbye obwongo bwe!

Added 9th July 2017

ENTAANA y’eyayiiya oluyimba lw’eggwanga, Polof. George Wilberforce Kakoma emaze n’esimulwa ne basanga ng’omulambo gwe mweguli kyokka ng’ekitundu ky’omutwe ekya waggulu ekibikka obwongo kyaggyiddwaako ne kitwalibwa.

 Abatuuze n'abaserikale nga beetegereza entaana ya Kakoma (mu katono) eyabadde esimibwa.

Abatuuze n'abaserikale nga beetegereza entaana ya Kakoma (mu katono) eyabadde esimibwa.

Bya Rogers Kibirige  

ENTAANA y’eyayiiya oluyimba  lw’eggwanga, Polof. George Wilberforce Kakoma  emaze n’esimulwa ne basanga  ng’omulambo gwe mweguli  kyokka ng’ekitundu ky’omutwe  ekya waggulu ekibikka obwongo  kyaggyiddwaako ne kitwalibwa.  

Kino kyaddiridde omulamuzi  Martins Kirya owa kkooti y’e  Wakiso okuwa bamulekwa  b’omugenzi Kakoma okuli; Ruth  Kakoma ne Paul Kakoma Lwanga  ekiragiro kya kkooti ekibakkiriza  okutaataaganya entaana okuzuula  oba ddala omulambo gwa Kitaabwe  mweguli mu ntaana oluvannyuma  lw’abantu abatamanyiddwa  okugenda mu kiro ekyakeesa  Olwokusatu ne bagisima.  

Omulamuzi Nakibuule nga yeetegereza omulambo gwa Kojjaawe Kakoma.

 

Omulamuzi Kirya yalagidde  poliisi y’e Wakiso okuwa aba  Famire obukuumi nga basima entaana  era bambega baayo bakole  okunoonyereza nga abanaazuulbwa  nga beenyigidde mu kusimula  entaana ya Kakoma awatali  lukusa lwa kkooti, bakwatibwe era  bavunaanibwe bunnambiro.  

Entaana bwe yasimiddwa  nga kkooti bwe yalagidde,  abaserikale ba poliisi baayise  aba famire okwabadde ne  bamulekwa b’omugenzi  n’omulamuzi Gladys  Nakibuule ne bakka  wansi mu ntaana okwetegereza  omulambo  gw’omuntu waabwe  kyokka omulambo  gwasangiddwa nga keesi  abaasimula entaana mu  bubba baagyasa era nga  kati bagenda kuddamu  kumuziika buto.  

DPC Tashobya (ku ddyo) ng'ayogerako eri Namwandu Tereeza (ali mu mmotoka).

 

Mu kusooka, Namwandu  Mary Tereeza  Kakoma eyajjidde mu  mmotoka Pajero  Mitshubishi nnamba  UAZ 200L yabadde tayagala  ntaana esimwe ng’agamba nti ye  akakasa nti omulambo mweguli  era ng’ayagala bazibe buzibi kituli  kyokka DPC n’amutegeeza nti  bakolera ku kiragiro kya kkooti.  

Ruth Kakoma bwe yakubye  eriiso ku mulambo gwa kitaawe  nga gwaggyiddwako ekitundu  ky’oku mutwe ekibikka  obwongo nga n’obwongo  tebuliimu, n’atulika n’akaaba  nga bwe yeewuunya abantu  b’ensi abaakoze ekikolwa kino.  

Yabakolimidde ng’agamba nti badda batya ku muntu  eyawummula edda ne  bamumalako eddembe  kyokka nga kitaawe  teyalina mutawaana na  muntu yenna!  

Ate ye Paul Kakoma  Lwanga nga naye  mulekwa, yagambye nti  ekitundu ky’omulambo  gwa kitaawe eky'oku  mutwe kyabbiddwa  ekyamutabudde  n’akukkulumira poliisi  olw’obutabatwalira  musawo waayo, Dr.  Byaruhanga kwongera  kukakasa kino ne  yeebuuza nti; "Oba  emimwa n’ennyindo  kwebiri lwaki ate  ekitundu ky’omutwe  eky'akawanga tekiriiko?  

Omukazi eyategeerekeseeko erya Damalie eyalinnyiddwa ebigambibwa okuba omuzimu nga yeerogozza.

 

Waliwo omukazi  eyategeerekeseeko erya  Damalie nga naye wa  Famire eyalinnyiddwako  ebigambibwa okuba  omuzimu gwa Mwannyina  wa Kakoma, Norah  Nababinge n’atandika  okwerogozza nga  bwalumiriza aba famire okuba  nga mwemuli abeeraguza era nga  be baasimye entaana mu bubba  okubaako bye bakola ku mulambo  era n’ategeeza nti bwe bataakomye  kweraguza, bajja na kwetta.  

Ye aduumira poliisi mu Wakiso,  Justus Tashobya yategeezezza nti  baawadde obukuumi nga kkooti  bwe yabalagidde era omulambo  ne basanga nga mweguli nga  kati ekisigalidde kya kuddamu  kuziika mulambo gw’omugenzi  obulungi nga bwe wabaawo  aliko kye yeemulugunya alina  kuddayo mu kkooti n’akola  okusaba okulala.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....