TOP
  • Home
  • Diaspora
  • Aba NRM e Butuluuki beeyamye ku kulwanyisa obubenje mu Uganda

Aba NRM e Butuluuki beeyamye ku kulwanyisa obubenje mu Uganda

Added 29th July 2017

BANNAKIBIINA kya NRM e Butuluuki (Turkey) beeyamye okuyamba poliisi ya Uganda mu kaweefube gw’eriko okulwanyisa obubenje era bawaddeyo obukooti obumasamasa obugenda okugabirwa aba poliisi ne bodaboda basobolwe okwegerezebwa nga bali ku nguudo naddala ekiro.

 Ssentebe wa NRM e Butuluuki , Hussein Wasswa (ali wakati) ne banne nga balaga obukooti bwe baawaddeyo okutangira obubenje

Ssentebe wa NRM e Butuluuki , Hussein Wasswa (ali wakati) ne banne nga balaga obukooti bwe baawaddeyo okutangira obubenje

Mu kiseera kye kimu bannakibiina b’e Butuluuki balabudde abantu abagezaako okubasiiga enziro nti basekeeterera gavumenti ya NRM ne bagamba nti ago malindirizi ageenonyeza ebyabwe kuba bbo bennyini be batunda gavumenti mu mawanga g’ebweru.

Ssentebe wa NRM e Butuluuki , Hussein Wasswa, y'ategeezezza bino n’agamba nti abantu bano (ababasiiga enziro) nti be baakwata kaada za bammemba baabwe ne bagenda nga bazisasaanya ku mikutu gya yintanenti okubasiiga enziro.

Wasswa ne banne nga balaga obujaketi bwe baawaddeyo okuyambako okukendeeza obubenje

Bino baabituukiddeko mu lukung’ana lwabwe olwatudde   mu ggwanga eryo ku Lwokuna  lwa wiiki eno olwakubiriziddwa Hussein Wasswa, okusinziira ku mawulire agaafuniddwa okuva e Butuluuki.

Mu lukiiko luno mwe baayisiriza ekiteeso ekyebaza ssentebe waabwe ow’ekiseera akulira NRM mu mawanga g’ebweru gonna, Patrick Asiimwe  olw’enkulaakulana gy’abatuusizzaako era ne beeyama okugenda maaso n’okmuwagira.

Omwogezi wa NRM ow’ekiseera ebweru w'eggwanga, Moses Kimuli, yagambye nti entegeka z’okulonda abakulembeze b’ekibiina zitambula bukwakku era wateereddwaawo akakwakkulizo  nti abaagala okwesimba ku bwassentebe bw’ekibiina balina okuba n’obuyigirize bwa ssiniya ey’omukaaga.

Wasswa ng'alaga obujaketi obwaweereddwaayo

Kyokka n’agamba nti abagenda okwesimba ku bifo ebimu balina okutunuulirwa enkaliririza kitangire ab’oludda oluvuganya okubayingiramu.

Yagumizza aba NRM e Butuluuki nti tewali baabyakwerinda babagoberera kuba ebintu byonna bye bakola bimanyiddwa.

‘’Ffe tulwanyisa abo abaagala okutabangula Uganda,’’ Kimuli bwe yategeezezza.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...