TOP
  • Home
  • Amawulire
  • Kayihura agudde ku ba Poliisi y'e Nansana nga tebategedde

Kayihura agudde ku ba Poliisi y'e Nansana nga tebategedde

Added 4th August 2017

OMUDUUMIZI wa poliisi mu ggwanga, Gen Kale Kayihura asomoozezza abaserikale ku poliisi y'e Nansana abeesuuliddeyo ogwa nnaggamba mu kuyamba abantu, ekintu ekiviiriddeko ettemu okweyongera mu kitundu.

Kayihura agenze ku poliisi ye Nansana leero nga talina muserikale yenna gw'ategeezezzaako era bonna bamwakanze bwekanzi.

Ekiggye Kayihura enviiri ku mutwe kwe kusanga ng'abantu abazze okubayamba mu kisango egyenjawulo bayimiridde buyimirizi, tewali abayamba.
Asokedde mu ofiisi ekola ku nsonga z’abaana n’amaka ng’eno asanze abaserikale bali mu mboozi so nga abazze okuyambibwa ku nsonga ez’enjawulo batuuziddwa wabweru.
Ategezezza nti afunye akasiisira mu Nansana mw'agenda okusula nga bw'akola ebikwekweto eby'enjawulo okufunza abazigu n'abamenyi b'amateeka abeefudde mukoko okutemula abatuuze mu kitundu.
Kayihura atadde abasibe babiri okuli; Grace Sseruwagi ne Martin Ssetuba abasangiddwa nga basibiddwa kyokka nga tebalina musango gwonna gwabagguddwaako.
Abatuuze baloopedde Kayihura ebizibu byabwe omubadde n’eky'omukyala Justine Teberamusa, nnannyini nnyumba poliisi y'e Nansana kw'epangisa.
Ono ategeezezza nti abanja obukadde 15 n'emitwalo 90 ze ez'obupangisa okuva mu 2009. Abamu ku baserikale basula mu pakingi ye eri okumpi ne poliisi y'e Nansana.

 

More From The Author

Emboozi z’omuwandiisi endala

Emboozi endala

Mutumba eyakumye ku nnyumba ye omuliro ne mufiiramu bbebi we Nambooze

Akumye ku famire ye omuliro...

Ronald Mutumba okuva mu mbeera kiddiridde okukubira nga mukyala we Annet Mirembe amasimu nga tagakwata ate ng'olumu...

Abakulembeze mu Kawempe ben...

ABAKULEMBEZE ba LC mu Kawempe balaze obwennyamivu eri balandiroodi abasusse okugobaganya abapangisa nga babanja...

"Abatakisi bafunye obukodyo...

POLIISI erabudde nti egenda kukola ekikwekweeto ku batakisi abasiize endabirwamu z’ebidduka byaber langi nga bagenderera...

Gav't ekkirizza abagwiira 1...

UGANDA ekkirizza abagwiira 165 abaali basiibirwa muno ng’eggadde ensalo olw’obulwadde bwa COVID 19 okudda ewaabwe....

Fred Enanga

Ettemu n'okusobya ku baana ...

EBIKOLWA by’ettemu n’okusobya ku baana bikudde ejjembe mu biseera by’okwekuuma obulwadde bwa ssenyiga era poliisi...