TOP

Basattira lwa kubookera katale

Added 6th August 2017

Baasabye poliisi ebongere obukuumi nga bagamba nti tebaagala kudda mu maziga ge baakulukusa, ow’ettima bwe yateekera akatale kaabwe omuliro emmaali yonna n’esaanawo.

 Ssentebe w’abasuubuzi, Nnyombi ng’ayogerako gye bali mu lukiiko

Ssentebe w’abasuubuzi, Nnyombi ng’ayogerako gye bali mu lukiiko

Bya MOSES LEMISA

ABASUUBUZI b’omu katale ka Kizito bali ku bunkenke olw’ekibinja ky’abantu okuteekera akatale kaabwe omuliro. Ku Lwokuna, ekibinja ky’abantu abatannategeerekeka baayokezza saaluuni eri mu katale kano nga bagenderera okusaanyaawo.

Ekirungi, abasuubuzi omuliro guno baagulabye mangu ne baguzikiza.

Baasabye poliisi ebongere obukuumi nga bagamba nti tebaagala kudda mu maziga ge baakulukusa, ow’ettima bwe yateekera akatale kaabwe omuliro emmaali yonna n’esaanawo.

Poliisi n’abakulira akatale baakubye olukuhhaana mu katale kano okusalira Basattira lwa kubookera katale ekizibu kino amagezi.

OBUZIBU WE BUVA

Akatale kano ka Deborah Namutebi nnyina w’omugenzi Majid Musisi eyali omusambi w’omupiira nnakinku.

Kali ku yiika emu n’omusobyo nga kasangibwa mu minisipaali y’e Kawempe Waliwo ekibinja ky’abasuubuzi 30 abaludde nga basika omuguwa ne Namutebi nga bamuwakanya nti akatale si kake era ku muliro ogwasooka okukasaanyaawo buli ludda lwalumirizza lunnaalwo okukookya.

Namutebi agamba nti ekibinja kino kirina ebigendererwa byakyo kuba bamaze emyaka nga bagaanyi okusasula empooza nga beekwasa nti bo ebifo we bakolera baabigula ku mugenzi Kizito. Bano Namutebi bwe yabasaba ebiwandiiko kwe baabaguliza, ate baddukira mu ofiisi z’abakulembeze ab’enjawulo.

Ssentebe w’abasuubuzi mu katale kano, Francis Nnyombi yagambye nti, waliwo abantu abalina emitima egitaagaliza abaagala okuddamu okwokya akatale.

Yasabye abasuubuzi buli omu okuba mbega wa munne kuba akatale bwe kasaanawo, bonna bajja kufiirwa.

Amyuka akulira poliisi y’oku Kaleerwe, ASP Daniel Kyeyune yagambye nti poliisi enoonyereza ku baabadde bookya akatale.

Yagumizza abasuubuzi nti poliisi egenda kwongera obukuumi mu katale kyokka n’abasaba okufuna kaadi ezibalaga nti bakolera mu katale kano kyanguyize abakuumi omulimu gwayo.

Ssinga omuliro guno gwakutte akatale kano, guno gwandibadde mulundi gwakusatu nga kookebwa

More From The Author

Emboozi z’omuwandiisi endala

Emboozi endala

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

VAR y'asinga amazima

Batunuulira nnyo ebisobyo mu ntabwe omuva okugaba peneti oba okugiggyawo, okugiddamu nga waliwo ekisobyo ekikoleddwa...

Dr. Donald Rukare (ku kkono) ne David Katende.

'Gavt. terina ssente zikebe...

ABAKUNGU b'ebibiina by'emizannyo bannyogogedde e Lugogo, Gavumenti bwe yakabatemye nti tejja kubawa ssente zikebeza...

Moses Magogo, Pulezidenti wa FUFA

FUFA eweze ttiimu okutendek...

FUFA eweze ttiimu zonna okutendekebwa n’okuzannya omupiira kagube gwa mukwano. Ekiragiro kino kikola okutuusa nga...