TOP

Engeri owa Yinsuwa ya Excel gye yafudde

Added 21st August 2017

DAVID Mukasa Walakira, omu ku baatandikawo kkampuni ya Yinsuwa eya Excel Insurance Company Limited afiiridde mu ddwaaliro lya IHK e Namuwongo gye yatwaliddwa okujjanjabibwa.

 Amaka g'omugenzi Walakira agasangibwa e Bugoloobi

Amaka g'omugenzi Walakira agasangibwa e Bugoloobi

Bya EDWARD LUYIMBAAZI

DAVID Mukasa Walakira, omu ku baatandikawo kkampuni ya Yinsuwa eya Excel Insurance Company Limited afiiridde mu ddwaaliro lya IHK e Namuwongo gye yatwaliddwa okujjanjabibwa.

Okusinziira ku Lydia Muganga avunaanyizibwa ku mbeera z’abakozi mu kkampuni eno, Mukasa aludde ebbanga nga mulwadde oluvannyuma lw’okulumbibwa obulwadde obutategeerekeka ekyamuwalirizza okusooka okuwummula emirimu gya kkampuni.

Yafudde ggulo ku makya. Muganga yagambye nti Mukasa ne banne okuli Dr. Arthur Katongole, Polof. Ddumba Sentamu ne Rosemary Nabadda be babadde baddukanya kkampuni eno era ye oluvannyuma lw’okufunamu obukosefu, emirimu abadde yagivaako n’agirekera Richard Musiitwa n’olukiiiko lwe.

Agambye nti Mukasa ne banne baatandikawo kkampuni eno mu mwaka gwa 1997 era nga kati emaze emyaka 25 ng’eri mu mulimu gwa yinsuwa mu ggwanga.

Abamu ku baasangiddwa mu maka g’omugenzi eggulo.

 

OMUGENZI ABADDE AYAGALIZA BULI OMU

Muganga yayogedde ku Mukasa ng’abadde omusajja ayagaliza buli muntu era buli mukozi we mu kkampuni eno eya Excel abadde amwagazisa okukola.

Ababadde bafuna omukisa okumusisinka mu ofiisi ye, abadde abakuutira okwagala ensi yaabwe.

Yamwogeddeko nti Mukasa teyakoma ku kwagala bakozi be kugenda mu maaso, wabula nga naye muyiiya nnyo era kumpi buli mwezi ng’aleetayo akapya okutwala kkampuni mu maaso.

 

ENTEEKATEEKA Z’OKUZIIKA

  • Omulambo gwa Mukasa gwasuze mu kkampuni emu evunaanyizibwa ku kuteekateekera abafu era nga gugenda kuggyibwayo leero (ku Mmande) gutwalibwe mu maka ge agasangibwa e Bugoloobi ku Bandali Rise mu munisipaali ye Nakawa.
  • Ku Lwokubiri gugenda kutwalibwa mu kkanisa ya Bugoloobi C.O.U ku ssaawa 4:00 ez’enkya.
  • Eno gye banaava okugutwala mu kyalo e Kimwanyi mu Lweongo gy’anaaziikibwa ku ssaawa 8:00 ez’omu ttuntu ku Lwokusatu. l Mu kiseera kino bakyalinda lipoota okuva mu basawo okubabuulira obulwadde obwasse omuntu waabwe.
  • Abaana ne nnamwandu bakyali bweru wa ggwanga naye basuubirwa okukomawo olwaleero ku Mmande beetabe mu nteekateeka z’okuziika.

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...