TOP

Munnayuganda bamuttidde e Bungereza

Added 31st August 2017

Munnayuganda abadde asomerera okuvuga ennyonnyi ennwaanyi mu magye ga Bungereza asindiriddwa amasasi mu kibuga London n’afa nga yaakatuusibwa mu ddwaaliro.

 Omugenzi Abdul Mayanja

Omugenzi Abdul Mayanja

Abdul Mayanja 19, afiiridde mu ddwaaliro mu East London gye yaddusiddwa oluvannyuma lw’okukubwa amasasi abantu abatannategeerekeka abamuteeze okumpi n’ekibangirizi ekya Queen Elizabeth Olympic Park ku Lwokutaano oluwedde.

Amasasi gaamukubiddwa ku luguudo Well lane e Strafford mu kitundu ekya Newham ku ssaawa nga 4:30 ez’ekiro ku Lwokutaano nga yabadde yaakava awaka e Plaistow ku ssaawa 4:00 ez’ekiro okugenda okusisinkana mikwano gye.

Mayanja ye muvubuka owa 11 okuttibwa n’amasasi mu London okuva omwaka guno lwe gwatandika era poliisi yabakanye dda n’okunoonyereza wadde nga tewannabaawo muntu yenna eyakwatiddwa okuva ku Lwokutaano ettemu lino lwe lyabaddewo.

Okuttibwa kwa Mayanja kwongedde okwewanisa abantu b’omu London emitima olw’engeri abantu naddala abavubuka abato gye batemulwamu nga kigambibwa nti ettemu lino lirina akakwate ku bumenyi bw’amateeka naddala obw’emmundu ez’ejjenjeero mu bantu.

Mayanja nga yasomerako mu Vienna College Namugongo abadde yeegatta ku ggye lya Bungereza ery’omu bbanga erya Royal Air Force (RAF) mu October 2013 n’assibwa mu kibinja ekya 338 West Ham Squadron air cadets .

Banne bwe baali mu kibinja ekya 338 West Ham Squadron air cadets baayogedde ku Mayanja ng’omuvubuka omugezi ennyo era omukkakkamu.

Kitaawe wa Mayanja eyategeerekeseeko erinnya erya Kizza yagambye nti mutabani we abadde ateekateeka kweyongera e Los Angeles mu ssaza ly’e California mu Amerika okumaliriza kkoosi ye ng’ofiisa w’amagye omuvuzi w’ennyonnyi ennwaanyi .

BANNAYUGANDA ABALALA ABATTIDDWA E BUNGEREZA

January, 2017: Quamari Serunkuma-Barnes 15, yafumitibwa ebiso bwe yali ku ssomero erya Capital City Academy mu kitundu ky’e Willesden.

June , 2017: Derick Roy Mulondo, muzzukulu w’omugenzi Rabbi Ezekiel Serunjogi Mulondo yattibwa muganzi we omuzungu mu kibuga London.

July 2017: Ben Sengooba, 33, yawanuka mu kalina mu East London n’afa nga kigambibwa nti waliwo abaamusindika.

June 2016: Matthew Kitandwe muzannyi w’omupiira yafumitibwa ebiso bwe yali ayingira awaka mu London.

More From The Author

Emboozi z’omuwandiisi endala

Emboozi endala

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...

Omukuumi ng'atwala Trump

Engeri abakuumi ba Trump gy...

PULEZIDENTI wa Amerika, Donald Trump yabadde wakati mu lukung’aana lwa bannamawulire ng’attaanya ensonga ey’obutale...

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...