TOP

Engeri abazigu gye basse Omuchina

Added 3rd September 2017

Abaddukanya kkampuni ya Nile Still and plastics limited ku kyalo Nangwa ekisangimbwa mu ggombolola y’e Nama mu disitulikiti y’e Mukono n’okutuusa kati bakyasobeddwa engeri abazigu gye baayise ku bakuumi baabwe ne batemula omu ku badayirekita.

 Ambyulensi ya poliisi ng’etwala omulambo gwa Yond Yang Yesu okuva ku ddwaaliro e Mukono.

Ambyulensi ya poliisi ng’etwala omulambo gwa Yond Yang Yesu okuva ku ddwaaliro e Mukono.

Bya MUSASI WAFFE

Abaddukanya kkampuni ya Nile Still and plastics limited ku kyalo Nangwa ekisangimbwa mu ggombolola y’e Nama mu disitulikiti y’e Mukono n’okutuusa kati bakyasobeddwa engeri abazigu gye baayise ku bakuumi baabwe ne batemula omu ku badayirekita.

Yadde omuduumizi wa poliisi mu ggwanga, Gen. Kale Kayihura n’atwala poliisi ya Kampala n’emiriraano Frank Mwesigwa baatuuse mu kifo kino ne beekenneenya akatambi ka CCTV kkamera mu kifo kino, we baaviiriddeyo nga bakyatakula mitwe ku ngeri abazigu gye bajjidde ku bodaboda ne bakuba omukazi ate ne batamuggyaako ssente.

Ekirala ekikyabasobedde, ye Muchina alabikira mu katambi ng’agoba abatemu abaabadde ku bodaboda ate n’atalabula abakuumi ba ggeeti okugiggala era ne bafuluma.

Eyakubiddwa amasasi y’abadde atereka ssente mu kkampuni eno era yafudde ng’atuusibwa mu ddwaaliro lya Mukono Church of Uganda.

Omugenzi ategeerekese nga Yond Yang Yesu abadde muka nnannyini kkampuni eno, amanyiddwa nga XU-Zaiwang.

Okusinziira ku kkamera eziri mu kkampuni eno, abazigu bazze mu ssaawa z’amalya g’ekyemisana ne bategeeza omukuumi ku ggeeti ya kkampuni nti bazze kugula mabaati.

Teyabakebedde kulaba kye balina, n’abaleka ne bayingira.

Olwatuuse munda, baatudde bulungi mu ntebe, olwo omu n’aggyayo pisito n’akuba Yang amasasi.

Yamulese agudde ng’obulamu bugenda, ne yeegatta ku munne bakira obwedda ali ku mulyango okulaba nga tewali abalaba.

Baafulumye ne balinnya bodaboda gye bajjiddeko ne beggyawo.

Nga Yang yaakakubwa amasasi, bba yayigidde mu ofiisi n’amusanga ng’ali mu mbeera mbi. Yamuyoddeyodde ne bamuddusa mu ddwaaliro.

Omuduumizi wa poliisi mu ggwanga, Gen. Kale Kayihura ne Frank Mwesigwa, akulira poliisi mu Kampala n’emiriraano baasitukiddemu ne boolekera Mukono balabe ogubadde.

Baasookedde mu ddwaaliro e Mukono oluvannyuma ne bagenda ku kkolero lino gye baasisinkanidde bannannyini lyo.

Kayihura yalabiddwaako nga yeekenneenya abazigu bano engeri gye basseemu Omuchina.

Ye Frank Mwesigwa yategeezezza nti okunoonyereza kukyagenda mu maaso kuba baafunye ebifaananyi by’omutemu.

Wabula obunafu yabutadde ku bakuumi ba kkampuni eno obutafaayo kwaza bantu abayigira.

Bino we bijjidde nga n’omwaka oguwedde abazigu baalumba kkampuni eno ne bateeka bba w’omugenzi ku mudumu gw’emmundu ne bamunyagako obukadde 170.

Wabula bano oluvannyuma baakwatibwa era ne basibwa emyaka musanvu.

Laba vidiyo wano;

 

More From The Author

Emboozi z’omuwandiisi endala

Emboozi endala

Ssebaggala omu ku battiddwa

Abasudan ab'emmundu bawamby...

AKABINJA ka bannansi ba South Sudan ababagalidde emmundu bawambye Bannayuganda abavuga loole ezitwalayo amatooke,...

Ab'amasomero g'obwannannyin...

ABAKULIRA amasomero g’obwanannyini bateegezezza nga bwebetegese okuddamu okusomesa abaana.

NABILLAH ABUUZIZZA ABA FDC ...

Mercy Walukamba, akulira akakiiko k’ebyekulonda mu kibiina kya NUP, yalangiridde Nabillah ku buwanguzi oluvannyuma...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...