TOP

Olutalo wa Lwasa ne Juliana lusajjuse

Added 7th September 2017

Amangu ddala ng’ekifaananyi ky’oku nnyonnyi kimaze okusaasaana waliwo abantu abaatandise okubityebeka nga Lwasa bw’ageze ne Juliana mu Amerika era nti alese kuno Desire Luzinda gwe bagamba nti gw’apepeya naye ennaku zino abamu kye baayise okutabula Desire ne Juliana.

 Juliana

Juliana

Bya Martin Ndijjo

OBUTAKKAANYA wakati wa Juliana Kanyomozi n’omugagga Emmanuel Lwasa bweyongede, Juliana bw’atabukidde Lwasa n’atiisatiisa n’okumukuba mu mbuga z’amateeka ng’amulanga okumukuba ebifaananyi ku nnyonyi ne bisaasaanira ku mikutu gya yintanenti ky’ayise okuyingirira obulamu bwe obw’ekyama n’abantu okumusalako ebigambo.

Kyokka ne Lwasa amuddiza omuliro, amulabudde okukomya okwogera ku linnya lye n’okumuwalampa agamba guno mulundi gwakubiri ng’amuwalampa yandiba ng’alina ekigendererwa ky’okumwonoonera erinnya.

Embeera eno okubaawo kiddiridde Juliana mu kiseera kino ali mu Amerika gye yagenze okuyimba mu lukungaana lwa UNAA e Las Vegas ng’ayita ku mukutu gwe ogwa Facebook mu kiro ekyakesezza Olwokusatu okuvaayo n’ayanukula ku bibadde biyitingana nti yagenda ne Lwasa mu Amerika wiiki ewedde okulya obulamu nga n’aboogera bakiggya ku bifaananyi bye beekubya nga bali ku nnyonyi.

Ekifaananyi Lwasa kyekubye ne Juliana ku nyonyi

 

“Ekisooka omusajja ono simumanyi era mbadde muwulira buwulirizi okutuusa lwe nnalabye bye bampadiiseeko naye. Tosobola kumala gakuba kifaananyi kya muntu kubanga otudde okumuliraana nga takuwadde lukusa ate n’ogenda mu maaso n’okukisaasaanya kubanga oyagala okulaga nti otambudde naye ku nnyonyi emu. Kino kitegeeza kuyingirira bulamu bwa muntu era nsobola okumukuba mu mbuga z’amateeka. Kyewuunyisa abantu tebakyalina na mpisa.” Juliana bwe yagambye.

Lwasa eyabadde ayogeza obusungu mu kwanuukula ebyawandiikiddwa Juliana amugambye nti waddembe okugenda mu kkooti bwe waba nga waliwo etteeka erigaana omuntu okwekubya ebifaananyi ku nnyonyi.

“Nze nabadde ngenda Dubai kulaba bizinensi zange bwe zitambula twesanze ku nnyonyi nga tutudde okuliraanagana era omuwala ono nabadde simanyi nti ye Juliana okutuusa lw’avuddeyo okumpalampa ye oba omuwala ono anoonyako ki ?

Juliana sirina kye mwagaza era sirina nkolagana naye okuggyako nti gye buvuddeko yannyiiza bwe yannumba n’okumpandiikako ku mikutu gya yintanenti bwe yampaayiriza nti namulanga okuyimba ku bbaala yange eya Tarvan Kick e Masaka nga simugambye, ekitaali kituufu era simanyi gye yabiggya okuggyako okwagala okunnyonoona ne bizinensi yange.

Wano yagasseeko okubuuza nti: “Juliana bw’aba ng’alina ky’anjagaza ambuulire mu kifo ky’okunnumba n’okumpendulira abavubuka abagenda mu maaso n’okunvuma ku mikutu gya yintaneti.”

Era agamba nti Juliana bw’aba ng’ayagala ku muloopa mu kkooti asookere ku muvubuka eyamukuba ebifaananyi n’ebyakawaleke nga bali mu Serena.  

Lwasa ne Desire gye buvuddeko.

 

Babiyingizzaamu Desire Luzinda

Amangu ddala ng’ekifaananyi ky’oku nnyonnyi kimaze okusaasaana waliwo abantu abaatandise okubityebeka nga Lwasa bw’ageze ne Juliana mu Amerika era nti alese kuno Desire Luzinda gwe bagamba nti gw’apepeya naye ennaku zino abamu kye baayise okutabula Desire ne Juliana.

Wabula Desire bwe yatuukiriddwa yagambye nti ensonga za Lwasa ne Juliana tayagala kuzoogerako kubanga tezimukwato n’abawa amagezi beesootinge!

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....