TOP

Omugagga Kakumba ali ku gwa kufera kawumbi

Added 10th September 2017

Omugagga Kakumba ali ku gwa kufera kawumbi

 Omugagga Kakumba

Omugagga Kakumba

OMUGAGGA wa Kwagalana Francis Kakumba bamututte mu kkooti ng’entabwe eva ku kufera omuntu akawumbi k’ensimbi kalamba ng’ayita mu ddiiru y’ettaka.

Ettaka lino liwezaako yiika 12 nga lisangibwa Butabika okumpi ne Luzira mu Kampala. Omusuubuzi eyafereddwa ye Muhamood Burwani.

OMUSUUBUZI ANNYONNYOLA Muhamood Burwani agamba nti omwaka oguwedde, Kakumba yamutuukirira n’amutegeeza nga bw’alina ettaka ly’atunda eriweza yiika 12 mu bitundu by’e Butabika. Kakumba yaleeta ekyapa ekyalabika nti kituufu era ddiiru yagenda mu maaso n’okusonjolwa ku kawumbi k’ensimbi kamu n’obukadde 200. Kyokka oluvannyuma, Muhamood yagenda okwetegereza, ng’ettaka eryogerwako kwe kuli eddwaaliro ly’e Butabika era wano we yakitegeerera nti bamufeze.

 

Omwogezi w’ekitongole kya poliisi ekinoonyereza ku buzzi bw’emisango, Vicent Ssekate yagambye nti omugagga Kakumba yakola ebyapa bisatu ebya ‘Free Hold’ ku ttaka ly’eddwaaliro ly’e Butabika n’abiguza Burwani ku ssente akawumbi kamu n’obukadde 200 nga yasooka n’afuna obukadde 980 ezaateekebwa obutereevu ku akawunti mu Crane Bank.

Ssekate yagambye nti, Kakumba yagguddwaako emisango 5 okuli; okufuna ssente mu lukujjukujju, okujingirira ebyapa, okufuna obuyinza ku ttaka ng’akozesa olukujjukujju n’emirala nga ku Lwokutaano omusango guno gwatandise okuwulirwa mu kkooti ya City Hall mu maaso g’omulamuzi Norah Kayinza.

Mu kusooka, poliisi yayita Kakumba e Kibuli okunnyonnyola bwe yagendayo yategeeza nti ensimbi zino azimanyi nti, kyokka yali yaziwola Muhamood era noolwekyo yali amusasula bbanja.

Poliisi yalagira Kakumba aleete endagaano kwe yawolera Muhamood ensimbi zino n’ebiwandiiko ebirala byonna kyokka Kakumba bwe yagenda teyadda. Kino kyawalirizza Mohamood okutuukirira bannamateeka ba Katende Ssempebwa & Co. Advocates n’abakwasa ensonga ze okulaba ng’anunula ssente ze.

Mu geri y’emu Betty Kisha okuva mu ofiisi ya Ssaabawaabi wa Gavumenti yawandiikira omuwaabi w’emisango ku kkooti ya City Hall mu August ng’amutegeeza ng’omusango guno oguli ku fayiro CID HQTS E/267/ 2016 bwe gwalina okuwulirwa mu

More From The Author

Emboozi z’omuwandiisi endala

Emboozi endala

Abakulembeze baloopedde Kis...

ABATUUZE mu Kisenyi n’abasuubuzi abatundira ebyamaguzi ku nguudo balaajanidde dayirekita wa Kampala omuggya Dorothy...

Amasannyalaze gakubye babir...

Entiisa yabuutikidde abatuuze ku kyalo Wantoni mu Mukono Central division, Mukono munisipaali, abasajja babiri...

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...