TOP
  • Home
  • Amawulire
  • Muganda wa Ivan Ssemwanga bamuggye e S.Afrika nga muyi

Muganda wa Ivan Ssemwanga bamuggye e S.Afrika nga muyi

Added 14th September 2017

GEORGE Ssemwanga mukulu w’omugenzi Ivan Ssemwanga eyamutwala e South Afrika n’amuyigiriza n’okukola ssente bamukomezzaawo mu Uganda ng’embeera ye eyungula ezziga.

 Sir Pinto,(mu katono ye mugenzi Ssemwanga)

Sir Pinto,(mu katono ye mugenzi Ssemwanga)

Bya Martin Ndijjo, Joseph Makumbi ne Joseph Mutebi

GEORGE Ssemwanga mukulu w’omugenzi Ivan Ssemwanga eyamutwala e South Afrika n’amuyigiriza n’okukola ssente bamukomezzaawo mu Uganda ng’embeera ye eyungula ezziga.

Ssemwanga amanyiddwa nga Sir. Pinto, yakomezeddwaawo okuva mu kibuga Pretoria gy’abadde abeera oluvannyuma lw’okujjanjabibwako mu South Afrika kyokka ng’embeera ye yeeyongera kwonooneka.

Lawrence Ssennyonga amanyiddwa nga ‘King Lawrence’ owooluganda lwa Ssemwanga era bwe baali bacakala n’okumansa ssente, yategeezezza Bukedde nti, abadde amaze wiiki nnamba nga mulwadde e South Afrika kyokka baalabye ayongera kuba bubi, kwe kumuzza kuno.

Sir Pinto (ku ddyo) ng’ayogera mu lumbe lwa Ivan Ssemwanga e Muyenga.

 

Zari Hussein maama w’abaana b’omugenzi Ivan Ssemwanga nga kati y’alabirira bizinensi z’omugenzi e South Afrika yagambye nti, Pinto yakomezeddwaawo mu Uganda wabula tannaddamu kuwuliza mbeera gy’alimu.

Obulwadde bwa Pinto, bukanze aba famire ya Ssemwanga nga batya nti puleesa yandibamalawo bonna.

“Ssemwanga yafa oluvannyuma lw’okukubwa puleesa, awaka tulinawo omulwadde jjajjaffe Samuel Muwanga. Kati ne Sir. Pinto naye wuuyo embeera mbi.” Omu ku bazzukulu mu famire ya ba Ssemwanga bwe yategeezezza.

Ne King Lawrence yakkaatirizza nti, famire puleesa egisumbuwa nnyo. Yagasseeko nti, ye akyatidde n’okugenda mu ddwaaliro lya Kampala International Hospital awali omulwadde okumulabako wabula abaagenzeeyo amawulire ge babawa gatiisa.

George Ssemwanga, ye yasooka Ivan Ssemwanga (omugenzi) okugenda e South Afrika era n’akola ssente ne ziwera n’ajja mu Kampala n’azimba ebisulo by’abayizi e Makerere n’akola ne bizinensi mu Kikuubo n’azimba n’amaka ag’ebbeeyi e Muyenga abamu ge baali bayita aga Ssemwanga (omugenzi).

Eno, gye baakuma n’olumbe okumala ennaku nnya n’omulambo gwa Ssemwanga mwe gwatuukira okuva e South Afrika.

Ssemwanga (omugenzi) bwe yagenda e South Afrika, Sir. Pinto yamulaga engeri gye bakolamu emirimu n’okumufunira aw’okusula okutuusa lwe yeetongola.

Ssemwanga (omugenzi) buli lwe yalinga akomawo mu Uganda, ng’ajja ne Sir Pinto era nga tebatengana.

Okwawukanako ne banne, Sir Pinto si muntu wa kwemulisa era ebiduula gye baamansizanga ssente n’akabinja ka Rich Gang, teyabeerangayo nnyo.

Amaka g’e Muyenga bagatunda

W’alwalidde, ng’amaka ge ag’e Muyenga gatundibwa. Gye buvuddeko, kkampuni ya Ram Properties etunda n’okugula ettaka n’amayumba, yatadde ggoloofa eno erimu ebisenge omukaaga ebisulwamu n’amaliiro gaggadde, ku mukutu gwabwe ogwa Facebook era bagamba nti etundibwa ddoola 1,700,000 (mu za Uganda obuwumbi mukaaga).

Wadde abasinga bulijjo balowooza nti ennyumba eno ya Ssemwanga, ensonda ezeesigika zaategeezezza nti bwe yafuna ekirowoozo okugitunda, Ssemwanga yagyegezaamu n’asasulako ssente ezimu kyokka n’alemwa okuzimalayo.

Oluvannyuma Ivan (omugenzi) yasalawo bagitunde bagabane ssente, n’afa nga tekinnakolebwa.

Edward Cheune mmemba wa ‘Rich Gang’ era nga muganda wa Ssemwanga bwe yabuuziddwa ku ssimu, bino yabiwakanyizza n’agamba nti ennyumba aba Ram gye balanga eri Munyonyo ate eyaabwe (eya Ssemwanga) eri Muyenga.

More From The Author

Emboozi z’omuwandiisi endala

Emboozi endala

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...