TOP
  • Home
  • Amawulire
  • Uganda ereese enkola empya ku kirwadde kya Sickle cells

Uganda ereese enkola empya ku kirwadde kya Sickle cells

Added 15th September 2017

Uganda ereese enkola empya ku kirwadde kya Sickle cells

 Minisita Sarah Opend ng'annyonnyola ku kirwade kya Sickle Cells

Minisita Sarah Opend ng'annyonnyola ku kirwade kya Sickle Cells

GAVUMENTI egenda kuleeta enkola y’okukebera  abagenda okufumbirinagwa okukakasa oba tebalina bulwadde bwa ‘siko seero (nalubiri)’’. Uganda erimu abantu obukadde mukaaga abalina ‘akasigo’ k’obulwadde buno.

Gavumenti era etandise okukebeza abaana bonna abazaalibwa okulaba nga tebalina nsigo zireeta bulwadde buno.

Bino minisita w’eggwanga ow’ebyobulamu Sarah Opendi ye abitegeezezza palamenti ng’ayanukula ebibuuzo by’omubaka Betty Nambooze by'amusoyezza ebikwata ku bulwadde bwa ‘siko seero’ Katikkiro wa Buganda bwe yatuuma ‘’nalubiri’’.

Opendi agambye nti Bannayuganda abawera obukadde mukaaga balina akasigo ak’obulwadde buno era basobola okubusiiga abaana baabwe singa baba tebeekebezza kumanya oba abaagala baabwe be bagenda okufumbiriganwa nabo nabo balina akasigo kano.

Abantu babiri omusajjja n’omukazi bwe baba balina obulwadde buno basobola okubusiiga omwana sso ng’ate omu ku yekka bw’aba alina omwana asobola okuzaalibwa ng’alina ‘akasigo’ kabwo kyokka nga tebumukata.

Opendi yagambye nti abaana abali wakati wa 20,000 ne 25,000 be bazaalibwa nga balina ‘siko seero’ . N’agamba nti enkola y’okujanjaba obulwadde buno okuwonera ddala mu Uganda teriimu wadde waliwo eddagala erisobola okuwewezaako abulina n’aba mu bulamu bulungi

Engeri y’okubuwonya ekolebwa mu mawanga g’ebweru ya kukyusa busomyo mu magumba g’omuntu abulina. Yagambye nti Uganda erimu amalwaliro 40 agasobola okugendebwamu abalina ‘siko seero’ okujanjabwa.

Yagambye nti minisitule eyogeraganyizza n’abakulembeze b’ensikirano omuli ne Kabaka okuyamba mu kulwanyisa obulwadde buno era egenda kusisinkana ne bannaddiini ku nsonga y’emu. Yagambye nti enkola y’okugema obulwadde buno w’eri era abantu basanidde okugijjumbira.    

More From The Author

Emboozi z’omuwandiisi endala

Emboozi endala

Judith ne Rev. Tugumehabwe lwe baagattibwa mu bufumbo Obutukuvu.

Obwenzi bwe bwatabula Judit...

Kigambibwa nti ekimu ku byatabula Judith ne Christopher ye mwawule okufuna oluvuuvuumo ku by'obwenzi bwa mukazi...

Ntagali ne Judith

Eyasudde Ntagali abadde n'a...

OMUKAZI eyasudde Dr. Stanley Ntagali mu bizibu ayogerwako ng'atali mwangu. Abadde acanga abasajja nga kigambibwa...

Amaka ga Bisaka agali ku kyalo Kapyemi.

Obugagga bwa Bisaka buwunii...

OBUGAGGA Bisaka bw'alese obuli mu buwumbi buwuniikirizza abantu abagamba nti, tabadde na mulimu mutongole gw'aggyamu...

Abantu nga baaniriza Pulezidenti e Busega.

Abawagizi ba pulezidenti Mu...

Abawagizi ba pulezidenti Museveni wano mu Kampala bakwatiridde ku makubo okuva e Busega okumwaniriza nga bamukulisa...

Honarebo Ssegirinya ng'alumya abayaaye.

Ssegirinya wansuubiza okunf...

NKUBAKYEYO Goolixy Nalumansi eyali muninkini w'omubaka omulonde owa Kawempe North, Muhammad Ssegirinya akiise ensingo....