TOP
  • Home
  • Amawulire
  • Gavumenti egenda kussa empooza ku mwenge n'amazzi bafune ezookulwanyisa akawuka ka mukenenya

Gavumenti egenda kussa empooza ku mwenge n'amazzi bafune ezookulwanyisa akawuka ka mukenenya

Added 18th September 2017

Gavumenti egenda kussa empooza ku mwenge n'amazzi bafune ezookulwanyisa akawuka ka mukenenya

Minisita ng'annyonnyola

Minisita ng'annyonnyola

GAVUMENTI egenda kutandika okuwooza emisolo ku mwenge n’amazzi g’omu bucupa ensimbi eziguvaamu ziyambe  mu kujjanjaba  n’okulwanyisa obulwadde  bwa Siriimu.        

Abantu akakadde kamu n’emitwalo 30 mu Uganda be balina akawuka ka Siriimu kyokka nga gavumenti etegeka okussaawo ensawo ey’okukeberanga abantu ng’asangibwa nako batandikirawo eddagala.

Pulezidenti Museveni era alina entegeka z’okulwanyisa akawuka kano okulaba ng’omwaka 2030 we gunaatukira nga Siriimu ssi bwe bumu ku bulwadde obussa Bannayuganda ku bunkenke.

Okusinziira ku tteeka lya Siriimu eryayisibwa palamenti wamu n’amatteeka agalissa mu nkola agaaleteddwa minisita w’ebyobulamu Ruth Aceng, emisolo ebitundu bibiri buli kikumi eginaawozebwanga ku mwenge okuli bbiya, waragi n’emyenge egy’ekizungu emirala emika (sprits) zigenda kweyambisibwa kujanjaba balina akawuka ka Siriimu.

Akakiiko ka palamenti akavunaanyizibwa ku kulwanyisa obulwadde bwa Siriimu akakulirwa    Judith Alyeku  kabadde kekenneenya ensonga zino ne kakiriziganya ne gavumenti emisolo egyo  okugyibwa ku mwenge n’ebintu ebirala gavumenti by’eneeba esazeewo zissibwe mu nsawo y’okulwanyisa obulwadde bwa Siriimu emanyiddwa nga ‘aids trust fund’.

Engeri endala gavumenti gy’esobola okufunamu ssente ez’okujanjaba Siriimu mulimu okuweebwa obuyambi obw’ekika kyonna. Kyokka ababaka bawakanyizza eky’okutondawo ekitongole ekyetongodde  ekirina ne maneja okukola okuddukanya ensawo  y’okulwanyisa obulwadde bwa Siriimu ng’ababaka bagamba nti bijja kukolebwa minisitule okutwalira awamu.

Ababaka era bagambye nti tekyetaagisa lukiiko lugenda kuddukanya nsawo eno kussaawo bantu bagenda kuganyulwa mu ‘nsawo ya Siriimu’ kuba abanaaganyulwamu bamanyiddwa nti be balina akawuka ka mukenenya era nga baba basusuddwa minisitule y’ebyobulamu.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...