TOP
  • Home
  • Amawulire
  • Abaserikale abattibwa ku Kaleerwe baali basasulwa emitwalo 20 buli lunaku'

Abaserikale abattibwa ku Kaleerwe baali basasulwa emitwalo 20 buli lunaku'

Added 24th September 2017

Abaserikale abattibwa ku Kaleerwe baali basasulwa emitwalo 20 buli lunaku’

 Ssekate ng'ayogera ne bannamawulire ku kitebe kyA psu e Bukoto

Ssekate ng'ayogera ne bannamawulire ku kitebe kyA psu e Bukoto

POLIISI ng’eyita mu kitongole kyayo ekya Professional Standards Unit ( PSU) etandise okunoonyereza ku ngeri abazigu gye battamu abaserikale baayo abaakubwa amasasi agattirawo babiri ku Kaleerwe wiiki ewedde.

Omwogezi wa poliisi atwala ekitongole ekinoonyereza ku buzzi bw’emisango era nga y’ayogerera PSU, Vicent Ssekate yagambye nti abaserikale, SPC Hussein Mubiru ne Moses Kalungi abakolera ku poliisi y’e Mutundwe abaakubwa amasasi ku Kaleerwe nga bawerekera aba kkampuni y’emigaati eya Denovo baali bakikola mu bumenyi bw’amateeka n’okuweebwa emitwalo 20 buli lunaku.

“Tuli mu kunoonyereza engeri abaserikale abaakubwa amasasi ku Kaleerwe gye baatandika okuwerekera aba kkampuni ya Denovo nga bakuhhaanya ssente mu ba ajenti baayo kuba kino baali bakikola mu bumenyi bw’amateeka,” Ssekate bwe yagambye.

Yagambye nti baazudde nti kino kibadde kikolebwa mu bukyamu okumala emyaka etaano n‘okusoba nga kibadde kizze kisikirwa buli abadde asindikibwayo okukulira poliisi y’e Mutundwe. Yategeezezza nti buli baserikale lwe babadde bagenda ku mulimu guno nga bawandiika mu kitabo nga bwe bagenze okulawuna oba nga bwe baliko amawulire ge bafunye mu kitundu ky’e Kabojja (awali kkampuni ya Denovo) nga batera okukikola ku ssaawa 1:00 ez’akawungeezi buli lunaku.

Yagambye nti oluvannyuma lw’okuwerekera abanona ssente poliisi ebadde eweebwa emitwalo 20 buli lunaku era nga guno gubadde gwafuuka mulimu eri Mubiru kuba abadde akikola buli lunaku ekibadde kimenya amateeka kuba abaagala okuwerekera ssente balina okuwandiikira omuduumizi wa poliisi mu ggwanga nga basaba era ssente zonna balina kuzisasula gavumenti so ssi poliisi.

Yannyonnyodde nti mu kunoonyereza kuno PSU egenda kuyita buli eyali akulira poliisi y’e Mutundwe mu bbanga ery’emyaka etaano emabega okubaako bye bannyonnyola ku nsonga eno.

Yagasseeko nti abaserikale basatu be baakwatiddwa okuli ASP Samuel Kazibwe abadde akulira poliisi y’e Mutundwe, Sgt. Patrick Omojong ne AIP Patrick Ouma bayambeko mu kunoonyereza.

Nga September 16, 2017 abazigu b’emmundu batta abaserikale babiri ne ddereeva eyali avuga mmotoka ya kkampuni ya Denovo ne bakuuliita n’emmotoka omwali ssente

More From The Author

Emboozi z’omuwandiisi endala

Emboozi endala

Abaana nga bagumbye ku

Bakubye ssengaabwe mu mbuga...

ABAANA batutte ssengabwe mu kakiiko k'eggombolola y'e Kyazanga nga bamulumiriza okubawuddiisa ne yezibika obukadde...

Komakech n'ebizibiti bye ku poliisi y'e Kawanda.

Abadde yakayimbulwa e Luzir...

Komakech ategeezezza nga bwabadde agenda okufa enjala nga yali asiiga njala z’abakazi wabula okuva bwe bayimiriza...

Testing video to see if it ...

aojdjadjdadojajdndn

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo