TOP

Bawambye omusajja omulala mu saluuni

Added 27th September 2017

Bawambye omusajja omulala mu saluuni

 Sekanabo akyabuze

Sekanabo akyabuze

OMUNTU omulala bamuwambye mu kitundu kye kimu gye baawambye omugole omusajja! Abantu mu kitundu basattira nga beebuuza ani ali emabega w’okuwamba abantu n’ababuzaawo.

Randwalid Sekanabo baamusanze mu saluuni y’e Bukasa mu Kizungu Zooni. Abasajja abaamututte baabadde musanvu era bajjidde mu takisi ng’essaawa zikunukkiriza 3:00 ez’ekiro kya Mmande.

Vannesa Mulungi eyabaddewo yagambye nti, abasajja olwatuuse ne babuuza omuvubuka ono nti: Ggwe Sekanabo? Omuvubuka olwakkirizza, ne bamuyoola ne bamussa mu mmotoka. Mulungi yagambye nti, yafubye okukoppolola ennamba y’emmotoka mwe baabadde era yawandiise UAL 748K.

Yagambye nti, ateebereza nti abasajja bano bwe batabeera bazigu, bandibeera ab’ebyokwerinda nga balina kye baagala Sekanabo abannyonnyole. Issa Tushabe eyabadde mu saluuni ng’asala enviiri naye baamuwambiddeko wabula bwe baamutuusizza ku kisaawe e Bukasa ne basimba emmotoka ne bamuggyamu ne bamusuula ebweru ne bavuga nga beeyongerayo.

Tushabe yagambye nti nga tebannamusuula bweru, baasoose kumagamaga ku njuyi zonna ne bakakasa nti teri muntu ajja. Yagambye nti, yeetegerezza abasajja bano n’alaba nga balina emmundu era teyakoze lutalo lwonna.

Baabadde teboogera kigambo kyonna. Mu kitundu kye kimu ekyo gye baawambye omugole James Baingana gwe baggye ku kasiki k’embaga ye ku Lwomukaaga lwa wiiki ewedde. Baingana ne gye buli eno tannaba kumanyika gy’ali era aba famire beeraliikirivu nga batya nti omuntu waabwe ayinza okuba nga yatuusiddwaako obuzibu.

Batalaaze poliisi zonna naye nga terikye bazuddeyo. Sekanabo naye tannamanyikako mayitire era poliisi ya Kira Divizoni yategeezezza nti bakyanoonya okuzuula abaamututte

More From The Author

Emboozi z’omuwandiisi endala

Emboozi endala

UNEB ewadde abayizi wiiki 5...

MINISITULE y’ebyenjigiriza ewadde abazadde n’abayizi omwezi gumu okusasula ssente z’ebigezo n’okwewandiisa okukola...

Trump ne Biden

Omugagga asasulidde abasibe...

OMUSAJJA bifeekeera, omu ku basinga obugagga mu Amerika akutte doola obukadde 16 n’asasulira abasibe 32,000 engassi...

Abawagizi ba Rukutana nga bajaganya

Engeri ebya Rukutana gye bi...

EBY’OBULULU bw’e Rushenyi bikyuse minisita Mwesigwa Rukutana bw’alangiddwa ng’eyawangudde akalulu k’essaza lino...

Omuyimbi Pia Pounds yeekokk...

Sheilah Gashumba kirabika kati ye yeekwatiramu mu kukuba ebifaananyi

Malokwezza ne mukazi nga bajaganya

Tofiri Malokweza (92): Ayog...

Bw’OLABA omuntu ow’emyaka 92 tolemwa kutendereza Katonda ate ng’eno bwe weebuuza ekyama kye ekimusobozesezza okuwangaala....