TOP
  • Home
  • Amawulire
  • Brian White alaze kyebayita ssente n'agoba Pembe mu bbaala

Brian White alaze kyebayita ssente n'agoba Pembe mu bbaala

Added 29th September 2017

Brian White alaze kyebayita ssente n'agoba Pembe mu bbaala

 Brian White ng'amansa ssente mu bbaala ya Auto Spa

Brian White ng'amansa ssente mu bbaala ya Auto Spa

“Vva mu bigambo yogeza ssente  bw’oba tolinaamu weyiiye awalala. Brian Whites nze aliko.”

Bino bye bimu ku bigambo mwana mulenzi Brian White obwedda gwe bayita omugagga omuto aliko bye yakozesezza wakati mu lutalo lw’ebigambo olwagobye omugagga Jack Pemba mu bbaala.

Brian White yatuuse ku bbaala ya Fusion Auto-spa e Munyonyo ku ssaawa 3:00 ez’ekiro era ono yatuukidde mu ‘kuddugaza’ mmeeza ennene gye baamutereddewo ne mikwano obwedda kwebanyweera omwenge ogwa buli kika.

Brian White ne banne nga bajooga n'essente

Waayiseewo essaawa ng'emu, Pemba eyabadde ne mikwano gye nabo nebayingirawo kyokka ono yasanze Brian White akalidde mu kifo kye (Pemba) waatera okutuula

Pemba yayise akulira ekifo kino n'amugamba amuterereeze ekifo kye atule n’abantu be kyokka ono yakamutemye nti abaliwo tasobola kubaggyawo kubanga baatudde dda okuggyako nga bamufunira ekifo awalala Pemba n'abigaana.

Brian White ne mikwano gye okwabadde ne Eddy Kirabira ekikolwa kya Pemba okwagala okubagyisa mu kifo kyabanyiizizizza nga bagamba nti kubeera kubayisamu maaso era wano batandise okumulangira ebizibu by’amabanja byatubiddemu ensangi zino abalala nga bwe basaakanya nti oyo yaggwaamu.

Pemba yalabye embeera eri bwetyo yakoonye ku banne ne bafuluma era Brian White okukakasa nti ssente azirina kye yayise Pemba okumunyiiza yasiseeyo akavangata ka ssente obw’emitwalo etano etaano omugatte obukadde 5 ze yamansizza n’okugabira abantu nga bw'awera  nti “Pemba bwaba musajja era ng’alinamu akomewo mmulage kye bayita ssente.”

Nga tannaba kugenda ku Auto-spa, Brian white ne banne basoose ku KK- Beach e Ggaba emisana gye bamaliddeko olunaku nga agabula abantu ku biici.

Brian White y’ani era ssente azigya wa?

Amannya ge amatuufu ye Brian Kirumira omutuuze w’e Munyonyo era ng’alina n’amaka e Ntebe

Mwana nzalwa y’e Mityana. Musuubuzi akola emirimu egy’enjawulo alina kkampuni ezimba, okugula n’okutunda amayumba kuno ne mu ggwanga lya Yitale ennaku zino gy’abeera.

 

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....