TOP
  • Home
  • Amawulire
  • Ying. alumirizza abajaasi okumusaba enguzi ya buwumbi 7

Ying. alumirizza abajaasi okumusaba enguzi ya buwumbi 7

Added 17th October 2017

YINGINIYA mu minisitule y'ebyokwerinda alumirizza abakulira ettendekero ly'amagye okumusaba enguzi asobole okuweebwa kontulakiti eddaabiriza ettendekero lino.

 Maj. Wanyama ne Lt. Ruhinda (ku ddyo).

Maj. Wanyama ne Lt. Ruhinda (ku ddyo).

BYA MARGARET ZALWANGO

Eria Mubiru 31, nnannyini kkampuni eya J2E Investments abadde mu kkooti y'amagye e Makindye n'alumiriza bannamagye babiri okumusaba ssente obuwumbi musanvu afune kontulakiti y'okuddaabiriza ettendekero ly'amagye e Kaweweta ekisangibwa e Mubende.

Mubiru ategeezezza kkooti nti, aludde ng'akola ne minisitule y'ebyokwerinda era mu 2010 kkampuni ye yafuna kontulakiti okuddaabiriza ettendekero ly'amagye e Kaweweta okwali okuzimba ebibiina, ebisulo n’okuzimba ekisenge awaliirwa emmere kyokka oluvannyuma yayimirizibwa okukola basobole okubalirira emirimu egyali gikoleddwa.

Maj. Mark Wanyama eyali akulira ebyensimbi mu kitongole kya bayinginiya ba UPDF ne Lt. Arthur Ruhinda nga ye mukwanaganya w’ekitongole kigambibwa nti, baatuukirira Mubiru nga baagala abawe obuwumbi musanvu kkampuni ye egende mu maaso n'okukola era ne bamugamba nti singa kimulema okukola kkampuni ye egenda kusazibwamu.

Ayongeddeko nti yagenda n'abaloopa ew'omugenzi Gen. Aronda Nyakairima n'amulabula obutabawa ssente wabula afune obukakafu basobole okuvunaanibwa.
Mubiru ye mujulizi asoose mu musango guno.

Yayongeddeko nti, yafuna akuuma akakwata amaloboozi n'okweyambisa abakulira ebifo gye baasisinkaniranga n'akwata obutambi n'amaloboozi era nga n'abakulira ettendekero ly'e Kaweweta baamuyambako.

Nga December 31, 2011, Mubiru yawandiikira Gen. Aronda Nyakairima mu butongole okumunnyonnyola ekigenda mu maaso n'amukwasa Cpt. Albert Mukama okuva mu kitongole ekikessi mu magye ekya CMI okufuna obujulizi obumala.

Mu December wa 2012, Maj. Wanyama yabanja Mubiru ssente kyokka Mubiru n'amutegeeza nti, tazirina mpozzi amuweemu mmotoka ezibalirirwamu obukadde 500.

Yakkiriza ne bassa emikono ku ndagaano era ne bamulabula okukuuma kono nga kyama kyabwe.

Bakkaanya nti, alina okwongerayo obuwumbi obulala buna nga yalina kubuteeka ku akawunti ya Maj. Wanyama mu bbanka Standard Chartered ku ttabi lya Forest Mall e Lugogo.

Mubiru ategeezezza nti, bwe yagaana okussa ssente ku akawunti, abawawaabirwa ne bakamutema nti, Lt. Gen Charles Angena yali asazizzaamu kontulakiti ye.

Abawawaabirwa nga bakiikirirwa munnamateeka Paul Kuteesa baasabye Mubiru aleete endagaano gy'ayogerako omusango gulyoke gugende mu maaso.

Omuwabuzi wa kkooti eno Lt. Col. Gideon Kattinda asabye ssentebe wa kkooti, Lt. Gen. Andrew Gutti omusango agwongereyo era kkooti n'ewa olwa November 21, 2017 guddemu okuwulirwa.

More From The Author

Emboozi z’omuwandiisi endala

Emboozi endala

Omumyuka wa Pulezidenti wa FDC Joyce Ssebuggwawo (ow’okubiri ku ddyo) ng’atongoza akakiiko k’ekibiina akagenda okuyigga obululu bwakyo mu Kampala ne Wakiso.

FDC etongozza akakiiko akan...

FDC etongozza akakiiko akagenda okunoonyeza abantu baayo akalulu mu Kampala ne Wakiso n’etegeeza nti Col. Kiiza...

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...