TOP

Bamukutte n'enjaga ng'agikwese mu kiwale munda

Added 18th October 2017

POLIISI ekutte omukazi abadde akukusa enjaga ebalirirwamu obukadde 800 ku kisaawe ky’ennyonyi e Ntebe n’ayogera b’abadde agitwalira.

 Nankanja ng’akutte ekiwale mwe yabadde akwese enjaga.

Nankanja ng’akutte ekiwale mwe yabadde akwese enjaga.

Bya Eria Luyimbazi ne Godfrey Ssempijja

POLIISI ekutte omukazi abadde akukusa enjaga ebalirirwamu obukadde 800 ku kisaawe ky’ennyonyi e Ntebe n’ayogera b’abadde agitwalira.

Allen Nankanja 51, ow’e Makerere Kikoni ye yakwatiddwa ng’enjaga ekukukuliddwa mu kiwale ekinene kye yabadde ayambadde munda.

Omwogezi wa poliisi avunaanyizibwa ku kitongole ekinoonyereza ku buzzi bw’emisango,Vincent Ssekate yagambye nti Nankanja yakwatiddwa abaserikale nga October 13, 2017 oluvannyuma lw’abaserikale okumwekengera era bwe baamwazizza ne bamusanga n’enjaga.

Yagambye nti Nankanja enjaga gye yasangiddwa nayo ezitowa kkiro ssatu n’ekitundu ng’ebalirirwamu obukadde 875.

Yagijjye mu Brazil nga yaggyidde mu nnyonyi ya Ethiopia Air Lines nga yayitidde Ethiopia n’atuuka e Ntebe.

Ssekate yagambye nti guno mulundi gwakubiri nga Nankanja akwatibwa ng’ogwasooka baamukwatira Malaba ku nsalo ya Uganda ne Kenya ne bamutwala mu kkooti.

Yawaayo engassi ya bukadde bubiri ne bamuyimbula.

Yagambye nti abaserikale beekengedde Nankanja ne bamuzza mu kasenge mwe baamwalizza ne bagisanga mu kiwale.

Yabadde ayambadde ekiteeteeyi kiwanvu nga kizibu okumanya nti alina by’atadde munda. Nankanja akuumirwa ku poliisi y’oku kisaawe e Ntebe nga yagguddwaako omusango gw’okukukusa enjaga ku fayiro nnamba SD: 21/13/10/2017.

Nankanja yagambye nti waliwo omukazi ayitibwa Teddy gwe yasanze e Brazil nga ye yamutisse enjaga ng’amusuubizza okumuwa obukadde 21 singa agituusa eri bakasitoma Abanigeria ababeera mu Uganda.

Yagambye nti poliisi bwe yamukwatidde ku kisaawe, abantu be yabadde agenda okuwa enjaga bamuwe ssente baabaddewo era bwe baalabye nga bamunywezezza ne badduka.

Yagambye nti embeera y’emuwaliriza okutambuza enjaga nga sikyangu kufuna akuwa bukadde bwa ssente n’obugaana ng’ate osobola okugitambuza nga bwe yabadde akoze.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...