TOP
  • Home
  • Amawulire
  • Minisita Nantaba attottodde bwe yasimattuse abavubuka e Kayunga

Minisita Nantaba attottodde bwe yasimattuse abavubuka e Kayunga

Added 23rd October 2017

MINISITA Aidah Nantaba attottodde engeri gye yasimattukidde awatono okugajambulwa abatuuze e Kayunga ku by’ennyingo ey’ekkomo ku myaka gya Pulezidenti n’agamba nti kigenda kumubeerera kizibu okwebuuza ku bantu okuggyako ng’ayongeddwa obukuumi.

 Ababaka Lugoloobi (ku kkono) ne Nantaba nga basibiddwaako obuwero obumyufu.

Ababaka Lugoloobi (ku kkono) ne Nantaba nga basibiddwaako obuwero obumyufu.

“SSinga ndi mufu! abavubuka baatuyiikidde mu lukuhhaana ne batusiba obuwero obumyuufu ku mpaka, kyokka twabadde tukyali awo Karangwa (ssentebe wa NRM e Kayunga) n’atuuka n’ebbiina ly’aba bodaboda 2010.

Emiggo ne gitandika n’abaserikale ba poliisi badduse batulese mu mikono gy’abantu abakyamu”, Nantaba bwe yategeezezza Bukedde eggulo ku Ssande.

Nantaba byamutuuseeko n’omubaka Amos Lugoloobi owa Ntenjeru North bwe baabadde mu lukiiko olwategekeddwa mu kabuga k’e Kayunga okufuna ebirowoozo by’abantu kyokka abantu ne babatabukira nga baagala basooke okubannyonnyola we bayimiridde ku nnyingo 102b eya Konsitityusoni.

“ Abavubuka tebaatuwadde mukisa kwogera ne batusiba obuwero obumyufu.

Nze bansibye obuwero buna nga tetulina bukuumi wadde,” Nantaba bwe yagambye.

Yannyonnyodde nti Karangwa n’ekibinja bwe baatuuse, okulwana ne kutandika n’agamba nti ddeereva we ye yamuwonyezza okufa kuba alina engeri gye yamuggyeewo wakati mu bavubuka ab’enjuyi zombi okukubagana.

Nantaba yagambye nti bangi ku bavubuka naddala ekibinja ekyabadde ne Karangwa baakubiddwa nnyo era bali mu malwaliro n’ebiwundu eby’amaanyi n’agattako nti embeera gye yalabye e Kayunga, kigenda kuba kizibu okwebuuza ku bantu okuggyako ng’ebyokwerinda byongeddwaamu amaanyi.

Bwe yabuuziddwa w’ayimiridde ku nnyingo 102b, Nantaba yagambye nti akyali muwagizi wa Pulezidenti Museveni wabula yagaanyi okwogera oba awagira okuggya ekkomo ku myaka mu Konsitityusoni kubanga akyalina okwebuuza ku bantu.

Nantaba yawakanyizza ebyogerwa nti yalangiridde dda nga bw’atawagira kukyusa Konsitityusoni n’agamba nti nga Minisita kimukakatako okuwagira ekisaliddwaawo mu kabineenti.

More From The Author

Emboozi z’omuwandiisi endala

Emboozi endala

Omulimu gw'okuzimba ekisaawe kya Nakivubo guzzeemu okutojjera

Speaker Kadaga asanyukidde ...

OLUVANNYUMA lwa Pulezidenti Museveni okugya envumbo ku by’emizannyo olw’ekirwadde kya CORONA, okuzimba ekisaawe...

Abasuubuzi nga balaga sipiika bye batunda

Speaker asisinkanye abasuub...

SIPPIKA  wa palamenti  Rebeeca Alitwala Kadaga asabye abakungu b'ekitongole ky'omusolo URA okukomya okunyigiriza...

Nambooze ng'ayogera eri abavubuka ba People Power e Mukono ku NUP.

Nambooze yeekokkodde abamwe...

Nambooze yeegobyeko abamwekukuutirizaako mu kalulu olumala ne bajeema.

Engeri gy'ofuna mu nkoko z'...

ENKOKO z’amagi zirimu ssente mu kiseera kino, naddala ng’ozirabiridde obulungi ne zitandikira mu budde obutuufu...

Hajji Musa ng'annyonnyola

Enkoko z'ennyama 100, zikuk...

NGA buli omu asala entotto ku ngeri gy'asobola okuyingiza akasente mu nsawo okuyita mu mbeera y'ekirwadde kya Corona,...