TOP

Kiiza Besigye akyalojja ekkomera gye baamusibidde

Added 27th October 2017

COL. Kiiza Besigye n’okutuusa kati akyalojja ekkomera n’engeri gye yatulugunyiziddwamu okutuusiza ddala awaka e Kasangati gye yaleeteddwa ku Lwokuna ekiro.

Besigye yeewuunyizza engeri gye baamuzunzizza okuva e Bushenyi ne bamutwala e Naggalama mu disitulikiti y’e Mukono ne bamuzzaayo e Bushenyi ate gye baamuggye ne bamuzza e Kasangati mu makaage!

Ku Lwokusatu akawungeezi, poliisi yakozesezza omukka ogubalagala okugumbulula ebbiina ly’abavubuka abaabadde bagiremesa okukwata Besigye ne Ingrid Turinawe e Kasangati.

Besigye ng’ali n’omubaka Patrick Amuriat beesibidde mu mmotoka okumala olunaku lulamba okuva oluvannyuma lw’omulamuzi Julius Borore Kyaka okubayimbula ku kakalu ka Poliisi.

Besigye yabadde ayagala kuyita mu kibuga agende mu makaage e Rwakabengo.

Besigye yabadde ne loodi meeya wa Kampala Erias Lukwago, ababaka okwabadde Mubaraka Munyagwa ne Allan Ssewanyana abaatuuse ku ssaawa 5:00 nga kkooti amaze okwabuka.

Poliisi eyabadde eduumirwa Denis Namuwayo baamulagidde obutayita mu kibuga Rukungiri nga kiyinza okuvaako ebizibu era ne bamulagira adde e Kasangati.

Kino kyatutte kumpi olunaku lulamba, abavubuka ne batandika okukuhhaanira ku mmotoka nga bwe bayimba n’okusaakaanya.

Wano Poliisi we yatandikidde okubakubamu omukka ogubalagala ne badduka era boba boda zaabwe baazikimye luvannyuma.

Besigye baamuwalirizza okuva mu mmotoka ne be yabadde nabo ne babakunguzza okutuuka e Kasangati mu Wakiso.

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...